Jakovesko 2:9 - I Biblija ki Arli romani čhib

⁹ Ali, te ćerena razlika maškaro manuša, ćerena greh hem o Zakoni osudini tumen sar okolen kola phagena le.

Biblija pe romani čhib

⁹ Ali ako dićhen ko si ko, ćeren bezeh thaj o zakon osudil tumen sar okolen save phađen les.

E Devleso Lafi ko Gurbetsko dijalekt

⁹ Al te sen pristrasna, ćeren greh thaj o Zakon osudil tumen sar kola save phađen le.

Jakovesko 2:9 ပူးပေါင်းရင်းမြစ်များ

Jovano 16:8

A kad ov ka avel, ka mothoj e manušenđe soi čače o greh, i pravednost hem o sudo.

Jovano 8:46

Kova tumendar šaj te dokažini mlo greh? Te vaćerava tumenđe o čačipe, sose na verujinena maje?

Jovano 8:9

Kad on šunde adava, jekh po jekh lelje te ciden pe adathar, počindoj e najphurederendar. I ađahar ačhile samo o Isus hem i đuvli koja terdini ko maškar.

Delja 10:34

Tegani o Petar lelja te vaćeri: “Čače akana dikhava da o Devel na ćerela razlika maškaro manuša,

Rimljanenđe 3:20

Adalese anglo leste nijekh naka opravdini pe palo ićeriba o Zakoni, adalese so o Zakoni anela e manuše đi ko pendžariba dai grešno.

Galatenđe 2:19

Adalese so me, palo Zakoni, muljum zako Zakoni te šaj živinav zako Devel. E Hristeja injum čhivdo ko krsto.

1. Jovan 3:4

Đijekh kova ćerela greh, phagela o Zakoni, adalese soi o greh bezakonje.

Judasko 1:15

te sudini sarijenđe hem te kaznini sa e biedevlesere manušen zako sa o bidevlikane delja save bidevlikane ćerde hem zako sa o uvredljiva lafija save o biedevlesere grešnici vaćerde protiv oleste.”