Jakovesko 2:14 - I Biblija ki Arli romani čhib

¹⁴ Mle phraljalen, te neko vaćeri da isi le vera, a nane le šukar delja, lesiri vera na vredini ništa. Šaj li te spasini le esavki vera? Na!

Biblija pe romani čhib

¹⁴ Savi si korist katar godova, phralalen mungralen, ako vareko phenel kaj si les paćipe, a naj les dela? Šaj li kasavo paćipe te spasil les?

E Devleso Lafi ko Gurbetsko dijalekt

¹⁴ Manglalen phralalen thaj phejalen, so isi tumen tare gova, te nesavo vaćarol kaj isi le pačajipe, al naj le buća šukar? Šaj li gasavo pačajipe te spasil le?

Jakovesko 2:14 ပူးပေါင်းရင်းမြစ်များ

Matej 5:20

Adalese vaćerava tumenđe, na ovela li tumari pravednost po bari oti pravednost e učiteljengiri e Zakonestar hem e farisejengiri, nisar naka šaj te đerdinen ano carstvo e nebosoro!”

Лука 3:11

O Jovan phenđa lenđe: “Kas isi duj gada, jekh valjani te del okolese kas nane. A kas isi hajbnase, te ćerel isto ađahar.”

Лука 6:49

A okova kova šunđa mle lafija, a na ćerđa len, ovi upro manuš kova ćerđa plo čher ki phuv bizo temelji, ko savo khuvđa i len hem otojekhvar peravđa le, i oto čher uli bari ruševina.”

Delja 15:9

Ov na ćerđa nisavi razlika maškar olende hem amende, adalese so hem olengere vile očistinđa prekali vera.

Delja 8:13

Hem korkoro o Simon poverujinđa hem krstinđa pe, hem stalno inele uzalo Filip. Ov inele oduševime dikhindoj o znakija hem o bare čudesija save ule.

Delja 8:21

Tut ki akaja služba nane pravo adalese so to vilo nane šukar anglo Devel.

Rimljanenđe 2:25

O obreziba isi le vrednost te ićereja o Zakoni. Ali, te phageja o Zakoni, oveja sar okova kova nane obrezime.

Galatenđe 5:13

Tumen injen vičime te oven slobodna, phraljalen. Samo, ma te ovel tumari sloboda izgovor te udovoljinen tumare telosere požudenđe, nego ano mangipe služinen jekh averese.

Galatenđe 5:6

Adalese so, ano Hrist Isus na vredini ni obreziba ni biobreziba, nego i vera savi mothoj pe prekalo mangipe.

1. Timotej 1:5

O cilj oti akaja naredbai mangipe taro čisto vilo, tari šukar savest hem tari čačikani vera.

1. Timotej 4:8

Adalese so, i vežba zako telo anela tikori korist, a i pobožnost šukari zako sa, adalese so ana peste isi la obećanje hem zako akava dživdipe hem zako dživdipe savo avela.

Titošće 1:16

Vaćerena da pendžarena e Devle, ali pumare ćeribnaja dokažinena da na pendžarena le. Oni odvratna hem neposlušna, nesposobna zako bilo savo šukar delo.

Titošće 3:8

Akavai čačikano lafi, hem adalese mangava zorale te tvrdine, ađahar te šaj hem okola so verujinena ano Devel te posvetinen pe te ćeren šukar delja. Akavai šukar hem korisno e manušenđe.

Jakovesko 1:16

Ma oven hovavde, mle mangle phraljalen!

Jakovesko 2:16

a neko tumendar phenela lenđe: “Mangava tumenđe sa najšukar, tačoven hem čaljoven!”, a na dena lenđe okova so valjani lengere telose, savi korist adalestar?

Jakovesko 2:18

Ali neko ka vaćeri: “Tut isi vera, a man isi delja.” Mothov maje ti vera bizo delja, a me ka mothovav će mli vera mle deljencar.

Jakovesko 2:26

Adalese sar soi o telo bizo duho mulo, ađahari hem i vera bizo delja muli.

2. Petar 1:5

I adalese den sa tumendar tumare veraće te doden šukaripe, ko šukaripe džandipe,