Filipljanenđe 4:9 - I Biblija ki Arli romani čhib

⁹ Ćeren okova so mandar sikliljen, priminđen, šunđen ili dikhljen, hem o Devel, kova dela mir, ka ovel tumencar.

Biblija pe romani čhib

⁹ Okova so mandar sićiline, primisardine, ašundine thaj dikhline, godova ćeren thaj o miro e Devlesko avela tumenca.

E Devleso Lafi ko Gurbetsko dijalekt

⁹ Sa so sikliljen, so primisaden, so šunden thaj so dikhljem pe mande, nastavin i tumen te ćeren. Thaj o Dol savo dol mir, ka avol tumencar.

Filipljanenđe 4:9 ပူးပေါင်းရင်းမြစ်များ

Matej 1:23

“Šunen! I čhaj ka ačhol khamni! Ka bijani murše hem ka vičinen le Emanuel” (so značini: “O Devel amencar”).

Matej 28:20

hem ađahar so ka sikaven len te ićeren sa so naredinđum tumenđe. I ače, me injum tumencar ano sa o dive, đi ko kraj e svetosoro.”

Matej 7:21

“Ano carstvo e nebosoro naka đerdinen sare kola vaćerena maje ‘Gospode, Gospode’, nego samo okola kola ćerena i volja mle Dadesiri kovai ano nebo.

Лука 6:46

“Sose vičinena man: ‘Gospode, Gospode!’, a na ćerena okova so vaćerava?

Лука 8:21

A o Isus phenđa: “Akalai mli daj hem mle phralja – kola šunena hem ćerena o lafi e Devlesoro.”

Jovano 13:17

Adalese so džanen akava, blago tumenđe te ađahar ćerđen.”

Jovano 15:14

A tumen injen mle amala te ćerđen okova so naredinava tumenđe.

Jovano 2:5

Lesiri daj phenđa e slugenđe: “Ćeren sa so vaćeri tumenđe!”

Delja 9:6

A akana ušti hem đerdin ki diz hem adari ka phenel pe će so valjani te ćere.”

Rimljanenđe 15:33

Nek o Devel, kova dela mir, ovel sarijencar tumencar. Amen.

Rimljanenđe 16:20

A o Devel, kova dela mir, sigate ka zdrobini e Sotone talo tumare pre. I milost amare Gospodesiri e Isusesiri tumencar.

Filipljanenđe 3:17

Phraljalen, pridružinen tumen okolenđe kola dikhena pe upra mande, hem posmatrinen okolen kola živinena palo primer savo dinđam tumen.

Filipljanenđe 4:7

hem e Devlesoro mir savoi upreder đijekh manušikano haljojba ka arakhi tumare vile hem tumare mislija ano Hrist Isus.

2. Timotej 4:22

O Gospod te ovel te duhoja. I milost tumencar!

Jakovesko 1:22

Ma oven okola kola samo šunena o lafi e Devlesoro hem ađahar pumen hovavena, nego oven okola kola ćerena palo adava lafi.

2. Petar 1:10

Adalese, phraljalen, den sa tumendar tumare dživdipnaja te potvrdinen da o Devel vičinđa tumen hem izabirinđa tumen; te ćerđen ađahar, nikad naka otperen,

1. Jovan 3:22

hem dobinaja olestar sa so rodaja, adalese so ićeraja lesere naredbe hem ćeraja okova soi olese šukar.