Filipljanenđe 3:8 - I Biblija ki Arli romani čhib

⁸ I na samo adava, nego mislinava dai sa gubitak kad uporedini pe e najbare dobitkoja – o pendžariba e Hriste Isuse, mle Gospode. Sa ačhavđum zbog o Hrist. Hem sa adava dikhava sar đubre, samo sar te dobinav e Hriste

Biblija pe romani čhib

⁸ Thaj na samo godova, inćarav kaj si sa gubitko kana uporedilpe koleja so si majvredno, a godova si te pindžarav e Hriste Isuse, mungre Gospode. Zbog leste sa hasardem thaj sa inćar kaj si gunoj, samo te dobiv e Hriste,

E Devleso Lafi ko Gurbetsko dijalekt

⁸ Thaj na samo gova, nego smatriv kaj sa kava si sar gubitko golese kaj si manđe po važno te pindžarav e Hriste e Isuse, mingre Gospode. Paše leste sa hasardem thaj sa gova si manđe gunoj te bi dobiva e Hriste,

Filipljanenđe 3:8 ပူးပေါင်းရင်းမြစ်များ

Лука 1:43

Akavai bari čast maje so tu, mle Gospodesiri daj, aljan kora mande.

Лука 11:20

Ali te me e Devlesere zoralipnaja ispudinava e demonen, onda o carstvo e Devlesoro alo maškara tumende.”

Jovano 14:20

Adava dive ka haljoven da me injum ano mlo Dad hem da tumen injen ana mande, a me ana tumende.

Jovano 14:7

Te pendžarđen man, ka pendžaren hem mle Dade. Od akana pendžarena le, hem dikhljen le.”

Jovano 16:3

A adava ka ćeren adalese so na pendžarena ni mle Dade ni man.

Jovano 17:3

A akavai o večno dživdipe: te pendžaren tut, e jekhe čačikane Devle, hem e Isuse Hriste, kole tu bičhalđan.

Jovano 17:8

Adalese so, dinđum len o lafija save tu dinđan maje hem on prihvatinde len hem čače halile da me aljum tutar, hem poverujinde da tu bičhalđan man.

Jovano 20:13

A o anđelja pučle la: “Đuvlije, sose roveja?” A oj phenđa lenđe: “Legarde mle Gospode, hem na džanav kaj čhivde le.”

Jovano 20:28

A o Toma tegani phenđa lese: “Mlo Gospod hem mlo Devel!”

Delja 20:24

Ali maje ni hari na ačhilo zako mlo dživdipe, samo te završinav mli trka hem i služba savi priminđum e Gospodestar e Isusestar – te svedočinav zako Šukar lafi oti e Devlesiri milost.

Rimljanenđe 8:18

Smatrinava da amare patnje save isi amen akana našti ni te uporedini pe e slavaja savi ka mothoj pe amenđe.

Rimljanenđe 8:39

ni o učipe ni o hor, ni bilo so aver soi stvorime, našti te ciden amen e Devlesere mangipnastar savoi ano amaro Gospod Hrist Isus.

Galatenđe 1:16

te mothoj maje ple Čhave sar te šaj olestar propovedinav maškaro avera nacije, nikasar na savetujinđum man,

Efežanenđe 4:13

Ađahar sare ka ava đi ko jedinstvo ani vera hem ano pendžaripe e Devlesere Čhave, đi ko zrelo manuš, sa dok na ovaja savršena sar o Hrist.

Filipljanenđe 1:1

Me o Pavle hem o Timotej, o sluge e Hriste Isusesere, pisinaja sa e Devlesere manušenđe ano Hrist Isus kolai ani diz Filipi, sa tumare starešinenđe hem e đakonenđe:

Filipljanenđe 3:10

Sa so mangava adavai te džanav e Hriste hem o zoralipe savo vazdinđa le taro mule. Mangava te ovel man udeo ano lesere patnje hem te ovav jekh oleja, čak hem ano lesoro meriba,

Filipljanenđe 3:12

Pana na doresljum adava hem pana na uljum savršeno, ali ustrajno dikhava te osvojinav adava cilj zako savo o Hrist osvojinđa man.

Filipljanenđe 3:7

Ali okova so nekad mislinđum dai dobitak, adava akana, zbog o Hrist, dikhava dai gubitak.

2. Timotej 4:6

Adalese so me već ovava žrtvujime, hem pašei o vreme te ačhavav akava dživdipe.

1. Petar 2:7

Ađahar, tumenđe kola verujinena, ovi dragoceno, a zako okola kola na verujinena pisini: “O bar savo odbacinde o zidarija ulo najbitno bar e čheresoro”

2. Petar 1:2

Milost hem mir tumencar ano izobilje prekalo pendžariba e Devle hem e Isuse, amare Gospode.

2. Petar 1:3

Olesoro devlikano zoralipe dinđa amen sa so valjani amenđe zako živiba ani pobožnost, prekalo pendžariba Okole kova vičinđa amen ple slavaja hem šukaripnaja.

2. Petar 1:8

Adalese so, te sa akava isi tumen hem te barjovena ano lende, ka oven korisna hem plodonosna ano pendžariba amare Gospode e Isuse Hriste.

2. Petar 3:18

Barjoven ani milost hem ano pendžariba amare Gospode hem Spasitelje e Isuse Hriste. Olese slava hem akana hem zauvek. Amen.

1. Jovan 1:3

A mothovaja tumenđe adava so dikhljam hem so šunđam, te šaj hem tumen ovel zajedništvo amencar. A amaroi zajedništvo e Dadeja hem lesere Čhaveja, e Isuse Hristeja.

1. Jovan 2:19

Cidinde pe amendar, ali na inele čače amare. Adalese so, te čače inele amare, ka ačhoven ine amencar. Ali adaleja mothovđa pe da on nane amare.

1. Jovan 5:20

A džanaja da o Čhavo e Devlesoro alo hem dinđa amen godi te pendžara e čačikane Devle. A amen injam ano čačikano Devel, ano lesoro Čhavo o Isus Hrist. Ovi o čačikano Devel hem o večno dživdipe.