Efežanenđe 6:18 - I Biblija ki Arli romani čhib

¹⁸ Uvek hem ani đijekh prilika roden hem molinen tumen ano Duho. Hem adalese oven džangavde hem istrajna ano moliba zako sa e Devlesere manuša.

Biblija pe romani čhib

¹⁸ E svako molitvava thaj e molbasa molin tumen ande svako prilika ando Duho. A uz sa godova aven uvek džungade thaj ustrajno molin tumen pale sa e Devlešće manuša.

E Devleso Lafi ko Gurbetsko dijalekt

¹⁸ Molin tumen palo vodstvo e Duxoso ane sa e situacije, sa e molitvencar thaj ano rodipe paše tumare potrebe. Aven uvek džungade thaj ma ačhaven e molitve paše sa e Devlese manuša.

Efežanenđe 6:18 ပူးပေါင်းရင်းမြစ်များ

Matej 17:21

[Ali, akaja vrsta ispudini pe samo molitvaja hem postibnaja.]”

Matej 26:41

Džangale pazinen hem molinen tumen te na peren ko iskušenje. O duho mangela te ćerel okova soi šukar, ali o teloi bizoralo.”

Marko 13:33

Džangale pazinen, adalese so na džanen kad adava vreme ka avel.

Marko 14:38

Džangale pazinen hem molinen tumen te na peren ko iskušenje. O duho mangela te ćerel okova soi šukar, ali o teloi bizoralo.”

Лука 21:36

Adalese oven džangale hem stalno molinen te šaj nakhaven sa adava so valjani te ovel hem te terđoven anglo Čhavo e manušesoro.”

Лука 22:46

Tegani pučlja len: “Sose sovena? Ušten hem molinen tumen te na peren ano iskušenje!”

Лука 3:26

O Nangej inele čhavo e Maatesoro. O Maat inele čhavo e Matatijesoro. O Matatije inele čhavo e Semeinesoro. O Semein inele čhavo e Josihesoro. O Josih inele čhavo e Jodasoro.

Лука 3:37

O Lameh inele čhavo e Matusalasoro. O Matusala inele čhavo e Enohesoro. O Enoh inele čhavo e Jaretesoro. O Jaret inele čhavo e Malaleilesoro. O Malaleil inele čhavo e Kainamesoro.

Delja 1:14

Sare on bizo ačhojba sar jekh molinde pe e đuvljencar hem e Marijaja, e Isusesere dajaja, hem lesere phraljencar.

Delja 10:2

Ov inele pobožno hem darala ine e Devlestar, a ađahar hem sa lesere čherutne. Dela ine but milostinja e čorore Jevrejenđe hem stalno molini pe ine e Devlese.

Delja 12:5

Sar e Petre pazinena ine ano phandlipe, i khanđiri zorale molinđa e Devle olese.

Delja 6:4

a amen ka posvetina amen zaki molitva hem zako vaćeriba o lafi.”

Rimljanenđe 12:12

Zbog i nada savi isi tumen, oven radosna, kad injen ano nevolje, oven strpljiva, a ani molitva oven istrajna.

Rimljanenđe 8:15

Adalese so, e Duho kole priminđen na legari tumen ano ropstvo sar te šaj palem živinen ani dar, nego ćerđa tumen te oven e Devlesere čhave hem prekalo leste vičinaja: “Abba, Dade!”

Galatenđe 4:6

A adalese so injen čhave, o Devel ano tumare vile bičhalđa e Duho ple Čhavesere, kova vičini: “Abba, Dade!”

Efežanenđe 1:16

stalno zahvalinava e Devlese zako tumenđe hem ićerava tumen ano mle molitve.

Efežanenđe 2:22

Prekalo leste hem tumen injen ugradime ano hram ano savo o Devel živini ple Duhoja.

Efežanenđe 3:18

te šaj zajedno sa e Devlesere manušencar haljoven kobori i širina, i dužina, i visina hem i dubina e Hristesere mangipnastar,

Efežanenđe 3:8

A maje, e najtikorese maškaro sa e Devlesere manuša, dindi akaja milost te propovedinav avere nacijenđe o beskrajno barvalipe e Hristesoro,

Efežanenđe 6:19

Molinen tumen hem maje, o Devel te del man pravo lafi kad phravava mlo muj, te šaj hrabro mothovav i tajna oto evanđelje.

Filipljanenđe 1:4

Ani đijekh mli molitva zako sarijenđe tumenđe, uvek molinav man radosno

Filipljanenđe 4:6

Ma brininen tumen zako ništa, nego ano sa molibnaja hem rodibnaja ano zahvaliba anen tumare molbe anglo Devel,

Kološanenđe 1:3

Uvek zahvalinaja e Devlese, e Dadese amare Gospodesere e Isuse Hristesere, kad molinaja tumenđe,

Kološanenđe 1:4

adalese so šunđam zaki tumari vera ano Hrist Isus hem zako mangipe savo isi tumen zako sa e Devlesere manuša.

Kološanenđe 4:2

Posvetinen tumen e molitvaće, oven džangavde ano late, zahvalindoj e Devlese.

1. Timotej 2:1

Angleder sa, mangava te ovel rodiba, molitve, molbe hem zahvaliba zako sa o manuša,

2. Timotej 1:3

Zahvalno injum e Devlese, kolese kandava ani čisto savest, sar so ćerde hem mle preci, đikote dive hem rat, bizo ačhojba ićerava tut ano mle molitve.

Filimon 1:5

adalese so šunava zako to mangipe sa e Devlesere manušenđe hem zaki ti vera ano Gospod Isus.

1. Petar 4:7

Alo paše o kraj e svetosoro. Adalese oven razumna hem trezvena, te šaj molinen tumen.

Judasko 1:20

A tumen, mle manglalen, barjoven ani tumari but sveto vera hem molinen tumen ano Sveto Duho.