Efežanenđe 5:6 - I Biblija ki Arli romani čhib

⁶ Ma muken niko te hovaj tumen čuče lafencar. Adalese so, zbog adava e Devlesiri holi avela upro neposlušna manuša.

Biblija pe romani čhib

⁶ Na den khonikašće te hohavel tumen čuče alavenca, kaj zbog godova e Devlešći bari holji avel pe kasave neposlušne manuša.

E Devleso Lafi ko Gurbetsko dijalekt

⁶ Khoni te ma xoxavol tumen čuče lafurencar, golese kaj paše gova avol e Devlesi holi pe kola save naj poslušna.

Efežanenđe 5:6 ပူးပေါင်းရင်းမြစ်များ

Matej 24:24

Adalese so ka ikljon hovavne hristija hem hovavne proroci hem ka ćeren bare znakija hem čudesija sar, te šaj ine, te hovaven hem e Devlesere birimen.

Matej 24:4

O Isus phenđa lenđe: “Dikhen te na oven hovavde nekastar.

Marko 13:22

Adalese so ka ikljoven hovavne hristija hem hovavne proroci hem ka ćeren znakija hem čudesija sar, te šaj ine, te hovaven hem e Devlesere birimen.

Marko 13:5

I o Isus lelja te vaćeri lenđe: “Dikhen te na oven hovavde nekastar.

Rimljanenđe 1:18

Taro nebo mothoj pe e Devlesiri holi protiv đijekh bidevlikanipe hem nepravednost e manušengiri kola pumare nepravednodne dživdipnaja sprečinena te dičhol o čačipe e Devlestar.

Kološanenđe 2:18

Ma muken neko te lel tumendar i nagrada, adaleja so ov korkoro uživini ani hovavni poniznost hem ano slaviba e anđelen, hem premukela pe ano vizije. Esavko bizo razlog ćerela pe barikano ple manušikane džandipnaja,

Kološanenđe 2:4

Akava vaćerava te na hovaj tumen niko gudle lafencar.

Kološanenđe 2:8

Pazinen niko te na zarobini tumen čuče hem hovavne filozofijaja savi samo manušikani tradicija. Esavke sikaviba na avena e Hristestar, nego avena taro zoralipa akale svetosere.

Kološanenđe 3:6

Zbog esavke stvarija avela e Devlesiri holi [upro okola kolai lese neposlušna].

1. Petar 2:8

hem: “bar ko savo zapninena hem stena savi ćerela len te peren.” On perena adalese soi neposlušna zako lafi e Devlesoro, a adavai lenđe hem odredime.

1. Jovan 4:1

Mle manglalen, ma verujinen đijekhe duhose, nego proverinen e duhen – te dikhen avena li taro Devel – adalese so iklile but hovavne proroci ano sveto.