Efežanenđe 4:25 - I Biblija ki Arli romani čhib

²⁵ Adalese ačhaven tumen taro hovajba! “Vaćeren o čačipe jekh averese”, adalese so sare zajedno injam udovija oto isto telo.

Biblija pe romani čhib

²⁵ Zato čhuden tumendar o hohaipe thaj “svako pire pašutnešće nek mothol o čačipe”, kaj sam jek avrešće delurja e telošće.

E Devleso Lafi ko Gurbetsko dijalekt

²⁵ Golese čhuden tumendar o xoxaipe thaj “vaćaren jekh averese o čačipe”, golese kaj sam savore katane kotora jekhe telose.

Efežanenđe 4:25 ပူးပေါင်းရင်းမြစ်များ

Jovano 8:44

Tumaroi dad o beng hem mangena te ćeren palo tumare dadesere želje. Ovi taro anglunipe ubica hem na ićerđa pe ko čačipe, adalese so ano leste nane čačipe. Kad hovaj, ov mothoj plo pravo muj, adalese soi hovavno hem dad e hovajbnasoro.

Rimljanenđe 12:5

ađahar hem amen, iako injam but, injam jekh telo ano Hrist, hem sare pripadinaja jekh averese.

Efežanenđe 4:15

Nego, vaćerindoj o čačipe, ano mangipe, ano sa ka barjova ano Hrist, kovai o Šero.

Efežanenđe 4:22

huljaven tumendar o purano dživdipe, e purane manuše ana tumende kova properela zbog o hovavne požude.

Efežanenđe 4:31

Ciden tumendar đijekh gorčina, holi hem gnev, vičiba hem akošiba, hem đijekh aver bišukaripe.

Efežanenđe 5:30

Adalese so, amen injam o udovija lesere telostar.

Kološanenđe 3:8

A akana frden tumendar sa akava: o gnev, i holi, o bišukaripe, o vređiba, o lađutne lafija tumare mujestar.

Kološanenđe 3:9

Ma hovaven jekh avere, adalese so huljavđen tumendar e purane manuše sa olesere delja,

1. Timotej 1:10

zako bludnici, zako murša kola sovena e muršencar, zako okola kola činena hem biknena e manušen, zako okola kola hovavena, zako okola kola hovavne hana pe sovli hem zako sa kola ćerena okova so protivini pe e saste sikavibnase.

1. Timotej 4:2

Esavke sikaviba avena taro dujemujengere hovavne manuša kolengiri savest otupinđa.

Titošće 1:12

Jekh olendar, lengoro proroko, korkoro phenđa: “O manuša tari Krit uvek hovavena, oni divlja zverija, lenja hem halane.”

Titošće 1:2

Adaja vera hem o pendžariba dena nada e večnone dživdipnastar, savese o Devel, kova nikad na hovaj, dinđa plo lafi angleder o početak e vremesoro.

Jakovesko 1:21

Adalese, frden tumendar sa o melalipe hem đijekh bišukaripe hem krotko priminen o lafi savoi usadime ana tumende, savo šaj te spasini tumare duše.

1. Petar 2:1

Adalese, frden tumendar đijekh bišukaripe hem prevara, đijekh licemerje, zavist hem ogovaranje.

Otkrivenje 21:8

A o kukavice, o neverna, o rumime, o ubice, o bludnici, o vračarija, o idolopoklonici, hem sa kola hovavena, ka priminen pumari plata ano jezero savo thabljola jagaja hem sumporeja. Adavai o dujto meriba.”

Otkrivenje 22:15

Avri ačhovena o đukle, o vračarija, o bludnici, o ubice, o idolopoklonici hem sare kola mangena o hovajba hem kola hovavena.