Efežanenđe 4:16 - I Biblija ki Arli romani čhib

¹⁶ Ov ćerela sa o telo te barjol hem te gradini pe ano mangipe, ađahar so o zglobija ićerena o telo zajedno, a đijekh ud ćerela pli buti.

Biblija pe romani čhib

¹⁶ Vo ćerel te sasto telo avel povezime thaj ujedinime e zglobonenca thaj svako udo lačhe ćerel piri bući. Godova ćerel te o Telo barjol thaj izgradil pe kroz e ljubav.

E Devleso Lafi ko Gurbetsko dijalekt

¹⁶ Taro Hrist, sa o telo barol thaj gradil pe maškaro manglipe. E zglobura ićaren o telo katane thaj gija dži jekh kotor e teloso ćerol pi bući.

Efežanenđe 4:16 ပူးပေါင်းရင်းမြစ်များ

Jovano 15:5

Me injum o čokot, a tumen o loze. Ko ačhola ana mande hem me ano leste, ov anela but bijandipe, adalese so bizo mande našti ništa te ćeren.

Rimljanenđe 12:4

Adalese so, sar so isi amen but udovija ano jekh telo, a sa o udovija nane len isto uloga,

Galatenđe 5:22

A o plod e Duhosoroi o mangipe, i radost, o mir, i strpljivost, i ljubaznost, o šukaripe, i vernost,

Galatenđe 5:6

Adalese so, ano Hrist Isus na vredini ni obreziba ni biobreziba, nego i vera savi mothoj pe prekalo mangipe.

Efežanenđe 1:4

Ano leste izabirinđa amen angleder so ulo o sveto, te šaj anglo leste ova sveta hem bizi mana. Ano mangipe

Efežanenđe 3:17

te šaj o Hrist prekali vera, te živini ano tumare vile, hem te oven ukorenime hem utemeljime ano mangipe,

Efežanenđe 3:7

Me uljum sluga zako akava evanđelje palo daro oti e Devlesiri milost savi maje dindi palo delujiba oto lesoro zoralipe.

Efežanenđe 4:12

te pripremini e Devlesere manušen zaki služba, te izgradini pe o telo e Hristesoro.

Efežanenđe 4:15

Nego, vaćerindoj o čačipe, ano mangipe, ano sa ka barjova ano Hrist, kovai o Šero.

Filipljanenđe 1:9

Hem akavai mli molitva: tumaro mangipe sa više te barjol ano čačikano džandipe hem ani šukar procena,

Kološanenđe 2:19

hem na ićeri pe upro Hrist kovai o Šero, savestar sa o Telo, podupirime hem povezime zglobonencar hem žilencar, barjola ađahar sar so o Devel dela le te barjol.

Kološanenđe 2:2

Mangava lengere vile te ohrabrinen pe hem te oven jekh ano mangipe, sar te šaj aven đi ko sa o barvalipe oto sa o haljojba, đi ko pendžariba e Devlesiri tajna – e Hriste,

1. Timotej 1:5

O cilj oti akaja naredbai mangipe taro čisto vilo, tari šukar savest hem tari čačikani vera.

1. Petar 1:22

A akana, adalese so očistinđen tumare duše ađahar so injenle poslušna e čačipnase te šaj čačikane mangen tumare phraljen ani vera, taro sa o vilo mangen čačikane jekh avere.

1. Jovan 4:16

A amen pendžarđam hem verujinđam ano mangipe savo o Devel isi le premalo amende. O Develi o mangipe. Ko živini ano mangipe, ano Devel živini hem o Devel živini ano leste.