Efežanenđe 3:9 - I Biblija ki Arli romani čhib

⁹ hem sarijenđe te mothovav i namera oti akaja tajna savi ano anglune vremenja inele garavdi ano Devel, kova sa stvorinđa.

Biblija pe romani čhib

⁹ thaj te savorenđe rasvetliv ande soste sastoilpe e Devlešći tajna savi sas ande nakhli vrjama garadi ando Del, savo sa stvorisarda.

E Devleso Lafi ko Gurbetsko dijalekt

⁹ thaj te sikavav savorenđe i namera tare kava garajipe so sasa taro anglunipe e svetoso garado ano Dol savo ćerda sa so postojil ko sveto.

Efežanenđe 3:9 ပူးပေါင်းရင်းမြစ်များ

Matej 10:27

So vaćerava tumenđe ani tomina, vaćeren ko svetlost; hem so pohari vaćerava tumenđe ko kan, vaćeren taro krovija sare te šunen.

Matej 13:35

Ađahar pherdilo okova soi vaćerdo prekalo proroko: “Mlo muj ka phravav ano priče, ka vaćerav okova soi garavdo pana taro ćeriba e svetosoro.”

Matej 25:34

Tegani me, o caro, ka vaćerav okolenđe oti desno strana: ‘Aven, tumen kolen mlo Dad blagoslovinđa, hem nasledinen o carstvo, savoi pripremime tumenđe pana taro ćeriba e svetosoro!

Matej 28:19

Adalese džan hem ćeren e manušen oto sa o nacije te oven mle učenici, ađahar so ka krstinen len ano anav e Dadesoro hem e Čhavesoro hem e Svetone Duhosoro

Лука 24:47

hem ano lesoro anav ka propovedini pe o pokajiba hem oprostiba e grehengoro sa e nacijenđe, počindoj taro Jerusalim.

Jovano 10:30

Me hem o Dad jekh injam.”

Jovano 5:17

A o Isus phenđa lenđe: “Mlo Dad stalno ćerela buti, a ađahar hem me.”

Jovano 5:19

A o Isus phenđa lenđe: “Čače, čače vaćerava tumenđe: O Čhavo korkoro pestar našti ništa te ćerel. Ćerela samo okova so dikhela so o Dad ćerela. Sa so ćerela o Dad, isto adava ćerela hem o Čhavo.

Delja 15:18

A adavai pendžarutno taro but angleder vreme.’

Rimljanenđe 11:25

Phraljalen, mangava te džanen akaja tajna sar te na mislinen da sa džanen. Nesave Izraelci ule šerale hem ka ačhoven ađahar sa đikote o pherdo broj oto avera narodija na đerdini ano narodo e Devlesoro.

Efežanenđe 1:4

Ano leste izabirinđa amen angleder so ulo o sveto, te šaj anglo leste ova sveta hem bizi mana. Ano mangipe

Efežanenđe 3:2

Tumen, sigurno, šunđen zaki služba savi maje pali e Devlesiri milost poverime zako tumenđe.

Efežanenđe 6:19

Molinen tumen hem maje, o Devel te del man pravo lafi kad phravava mlo muj, te šaj hrabro mothovav i tajna oto evanđelje.

Kološanenđe 1:23

Samo te ačhiljen utemeljime hem zorale ani vera, hem te na cidinđen tumen tari nada oto evanđelje savo šunđen. Oto adava evanđelje savo propovedini pe zako sa o stvorenja teleder o nebo, a savese me, o Pavle, uljum sluga.

Kološanenđe 1:26

i tajna savi beršencar hem generacijencar inele garavdi, a akanai mothovdi e Devlesere manušenđe.

Kološanenđe 3:3

Adalese so, tumen muljen hem tumaroi dživdipe garavdo e Hristeja ano Devel.

Kološanenđe 4:3

Molinen tumen hem amenđe o Devel te phravel o udar zako amaro lafi, te vaćera e Hristesere tajnatar – zaki savi injum ano phandlipe –

1. Timotej 3:16

Bizi sumnja, baroi o garavdipe ano adava so verujinaja: Ov inele mothovdo ano telo, inele opravdime e Duhostar, inele dikhlo e anđelendar, inele propovedime maškaro avera nacije, ano leste o manuša verujinde hem legardilo upre ani slava.

2. Timotej 1:9

Ov spasinđa amen hem vičinđa amen te živina sveto dživdipe, na zbog amare delja, nego zbog plo plan hem zbog pli milost. Adajai milost amenđe dindi ano Hrist Isus angleder o početak e vremesoro,

2. Timotej 4:17

Ali o Gospod inele uzala mande hem dinđa man zoralipe te šaj prekala mande pherdeste te vaćeri pe o evanđelje hem te šunen le sa o manuša kola na džanen e Devlese; hem injumle ikaldo taro danda e lavesere.

Titošće 1:2

Adaja vera hem o pendžariba dena nada e večnone dživdipnastar, savese o Devel, kova nikad na hovaj, dinđa plo lafi angleder o početak e vremesoro.

1. Petar 1:20

Ovi predodredime angleder o početak e svetosoro, a mothovđa pe ano akala poslednja vremenja zako tumenđe,

Otkrivenje 13:8

Sare kola živinena ki phuv ka pokloninen pe zaki Zver, đijekh kasoro anav nane upisime ani Knjiga e dživdipnasiri e Bakroresiri savo inele čhindo angleder so o sveto ulo.

Otkrivenje 14:6

Tegani dikhljum avere anđeo sar letini ano maškar e nebosoro. Ole ine o večno šukar lafi te vaćeri okolenđe kola živinena ki phuv, đijekha nacijaće, plemese, čhibjaće hem narodose.

Otkrivenje 17:8

I Zver sava dikhljan nekad inele, ali akana nane, palem ka ikljol tari Beskrajno rupa hem ka džal ani propast. A okola kola živinena ki phuv, kasere anava nane pisime ani Knjiga e dživdipnasiri pana taro ćeriba e svetosoro, ka divinen pe dikhindoj ani Zver, savi nekad inele, a više nane, ali koja palem ka avel.

Otkrivenje 4:11

“Dostojno injan, Gospode hem Devla amareja, te primine i slava, i čast hem o zoralipe, adalese so tu sa stvorinđan, hem pali ti voljai ćerdo hem postojini.”