Efežanenđe 3:4 - I Biblija ki Arli romani čhib

⁴ Čitindoj adava, šaj te dikhen sar me haljovava i tajna e Hristestar,

Biblija pe romani čhib

⁴ Kana čiton godova, šaj haćarena sar me haćarav e tajna palo Hristo,

E Devleso Lafi ko Gurbetsko dijalekt

⁴ Te gova čitisaden, šaj dičhen kaj pindžarav o garado čačipe e Hristeso,

Efežanenđe 3:4 ပူးပေါင်းရင်းမြစ်များ

Matej 13:11

A ov phenđa lenđe: “Adalese soi tumenđe dindo te džanen o garavdipa oto carstvo e nebosoro, a olenđe nane dindo.

Лука 8:10

A ov phenđa: “Tumenđei dindo te džanen o tajne oto carstvo e Devlesoro, a averenđe vaćerava ano priče, sar te šaj: ‘anglo jaćha te na dikhen hem anglo kana te na haljoven.’

Rimljanenđe 11:25

Phraljalen, mangava te džanen akaja tajna sar te na mislinen da sa džanen. Nesave Izraelci ule šerale hem ka ačhoven ađahar sa đikote o pherdo broj oto avera narodija na đerdini ano narodo e Devlesoro.

Rimljanenđe 16:25

A slava e Devlese! Ov šaj te zorjari tumen palo mlo evanđelje hem propovediba e Isuse Hristestar, palo otkrivenje e tajnatar savi inele but vreme garavdi,

Efežanenđe 1:9

Ćerđa amen te džana i tajna oti lesiri volja, savi palo plo plan angleder odredinđa ano Hrist.

Efežanenđe 3:3

O Devel mothovđa maje pli tajna, sar so ukratko pisinđum tumenđe.

Efežanenđe 3:9

hem sarijenđe te mothovav i namera oti akaja tajna savi ano anglune vremenja inele garavdi ano Devel, kova sa stvorinđa.

Efežanenđe 5:32

Akavai bari tajna, ali me adava vaćerava tumenđe e Hristestar hem e Khanđirjatar.

Efežanenđe 6:19

Molinen tumen hem maje, o Devel te del man pravo lafi kad phravava mlo muj, te šaj hrabro mothovav i tajna oto evanđelje.

Kološanenđe 1:26

i tajna savi beršencar hem generacijencar inele garavdi, a akanai mothovdi e Devlesere manušenđe.

Kološanenđe 2:2

Mangava lengere vile te ohrabrinen pe hem te oven jekh ano mangipe, sar te šaj aven đi ko sa o barvalipe oto sa o haljojba, đi ko pendžariba e Devlesiri tajna – e Hriste,

Kološanenđe 4:3

Molinen tumen hem amenđe o Devel te phravel o udar zako amaro lafi, te vaćera e Hristesere tajnatar – zaki savi injum ano phandlipe –

1. Timotej 3:16

Bizi sumnja, baroi o garavdipe ano adava so verujinaja: Ov inele mothovdo ano telo, inele opravdime e Duhostar, inele dikhlo e anđelendar, inele propovedime maškaro avera nacije, ano leste o manuša verujinde hem legardilo upre ani slava.

1. Timotej 3:9

Valjani te ićeren pe ko hor čačipe e verakoro, ani čisto savest.