Efežanenđe 3:3 - I Biblija ki Arli romani čhib

³ O Devel mothovđa maje pli tajna, sar so ukratko pisinđum tumenđe.

Biblija pe romani čhib

³ O Del manđe objavisarda piro tajno naum sar ukratko već ramosardem tumenđe.

E Devleso Lafi ko Gurbetsko dijalekt

³ O Dol objavisada manđe piro garado plan, sar so već zala pisisadem tumenđe.

Efežanenđe 3:3 ပူးပေါင်းရင်းမြစ်များ

Delja 22:17

Kad irinđum man ko Jerusalim hem molinđum man ano Hram, ine man vizija

Delja 22:21

A ov phenđa maje: ‘Dža! Ka bičhalav tut dur – ko avera nacije.’ ”

Delja 23:9

I ađahar uli bari galama, a nesave učitelja e zakonestar tari e farisejengiri stranka uštine, i lelje zorale te protivinen pe, vaćerindoj: “Na arakhaja da akava manuš ćerđa nesavo bišukaripe. A so te o duho ili o anđeo vaćerđa lese?”

Rimljanenđe 11:25

Phraljalen, mangava te džanen akaja tajna sar te na mislinen da sa džanen. Nesave Izraelci ule šerale hem ka ačhoven ađahar sa đikote o pherdo broj oto avera narodija na đerdini ano narodo e Devlesoro.

Rimljanenđe 16:25

A slava e Devlese! Ov šaj te zorjari tumen palo mlo evanđelje hem propovediba e Isuse Hristestar, palo otkrivenje e tajnatar savi inele but vreme garavdi,

Galatenđe 1:12

Adalese so, me na priminđum le nesave manušestar, niti neko sikavđa man, nego prekalo otkrivenje e Isuse Hristestar.

Efežanenđe 1:17

Molinav man o Devel amare Gospodesoro e Isuse Hristesoro, o slavno Dad, te del tumen e Duho oti mudrost hem oto otkrivenje, te pendžaren le.

Efežanenđe 3:4

Čitindoj adava, šaj te dikhen sar me haljovava i tajna e Hristestar,

Efežanenđe 3:6

Adajai tajna dai prekalo evanđelje o manuša taro avera nacije, zajedno e Jevrejencar, naslednici okolestar so o Devel pripreminđa. Oni udovija oto jekh telo hem zajedno delinena o obećanje savo o Devel dinđa ano Hrist Isus.

Efežanenđe 3:9

hem sarijenđe te mothovav i namera oti akaja tajna savi ano anglune vremenja inele garavdi ano Devel, kova sa stvorinđa.

Efežanenđe 6:19

Molinen tumen hem maje, o Devel te del man pravo lafi kad phravava mlo muj, te šaj hrabro mothovav i tajna oto evanđelje.

Kološanenđe 2:2

Mangava lengere vile te ohrabrinen pe hem te oven jekh ano mangipe, sar te šaj aven đi ko sa o barvalipe oto sa o haljojba, đi ko pendžariba e Devlesiri tajna – e Hriste,

Kološanenđe 4:3

Molinen tumen hem amenđe o Devel te phravel o udar zako amaro lafi, te vaćera e Hristesere tajnatar – zaki savi injum ano phandlipe –

1. Petar 5:12

Pisinđum tumenđe akava kratko lil ađahar so pomožinđa man o Silvan, kole dikhava sar vernone phrale, te opomeninav tumen hem te potvrdinav dai akava čačikani milost e Devlesiri. Zorale ićeren tumen upro late.

2. Petar 3:15

A te džanen da lesiri strpljivost značini spasenje, sar so hem amaro manglo phral o Pavle pisinđa tumenđe pali mudrost savi lese dindi.