Efežanenđe 3:2 - I Biblija ki Arli romani čhib

² Tumen, sigurno, šunđen zaki služba savi maje pali e Devlesiri milost poverime zako tumenđe.

Biblija pe romani čhib

² Tumen svakako, ašundine kaj si manđe dini služba e Devlestar kroz lešći milost pale tumende.

E Devleso Lafi ko Gurbetsko dijalekt

² Sigurno džanen pašo zadatko savo o Dol pale piro milost dija man pašo tumaro šukaripe.

Efežanenđe 3:2 ပူးပေါင်းရင်းမြစ်များ

Delja 13:2

I sar jekhvar slavinena ine e Gospode hem postinena, o Sveto Duho phenđa: “Ciden maje akana e Varnava hem e Savle zaki buti ki savi me vičinđum len.”

Delja 13:46

A o Pavle hem o Varnava bizi dar phende lenđe: “Valjanđa o lafi e Devlesoro najangle te ovel tumenđe e Jevrejenđe mothovdo. Ali, adalese so tumen na mangena le hem na dikhena tumen sar dostojna zako večno dživdipe, akana irinaja amen nakoro manuša taro avera nacije.

Delja 22:21

A ov phenđa maje: ‘Dža! Ka bičhalav tut dur – ko avera nacije.’ ”

Delja 9:15

Ali o Gospod phenđa lese: “Dža, adalese so me birinđum le prekalo leste te šunen maje avera nacije, o carija hem o narodo e Izraelesoro.

Rimljanenđe 1:5

Prekalo leste amen dobinđam i milost te ova apostolja, te šaj olese ano anav te vičina e manušen taro sa o nacije te verujinen ano leste hem te oven lese poslušna.

Rimljanenđe 11:13

A tumenđe kola na injen Jevreja, phenava: sar apostoli zako avera narodija hvalinava mli služba,

Rimljanenđe 12:3

Pali milost savi o Devel dinđa man, vaćerava đijekhese tumendar: Ma mislinen tumendar bolje nego so valjani te mislinen, nego mislinen tumendar trezveno, pali mera oti vera savi o Devel odredinđa đijekhese tumendar.

Galatenđe 1:13

Šunđen sar nekad živinđum ano judaizam, kobor zorale progoninđum e Devlesere khanđirja hem kobor dikhljum te uništinav la.

Efežanenđe 1:10

Akava plan, savo ka ovel ano pravo vreme, sa soi ko nebo hem ki phuv ka čhivel talo jekh šero – talo Hrist.

Efežanenđe 3:7

Me uljum sluga zako akava evanđelje palo daro oti e Devlesiri milost savi maje dindi palo delujiba oto lesoro zoralipe.

Efežanenđe 3:8

A maje, e najtikorese maškaro sa e Devlesere manuša, dindi akaja milost te propovedinav avere nacijenđe o beskrajno barvalipe e Hristesoro,

Efežanenđe 3:9

hem sarijenđe te mothovav i namera oti akaja tajna savi ano anglune vremenja inele garavdi ano Devel, kova sa stvorinđa.

Efežanenđe 4:21

Te čače šunđen e Isusestar hem te sikliljen dai ano leste o čačipe,

Efežanenđe 4:7

A đijekhese amendar dindi i milost edobor kobor o Hrist odredinđa.

Kološanenđe 1:4

adalese so šunđam zaki tumari vera ano Hrist Isus hem zako mangipe savo isi tumen zako sa e Devlesere manuša.

Kološanenđe 1:6

savo alo tumende. Adava evanđelje ko sa o sveto anela plodija hem barjola, sar so hem maškara tumende oto okova dive kad šunđen zaki milost e Devlesiri hem čačikane haliljen la.

1. Timotej 1:11

Akava sikavibai palo slavno evanđelje amare blagoslovime Devlestar savoi maje poverime te vaćerav.

1. Timotej 1:4

hem te ačhaven pe oto verujiba ano paramiza hem ano bare rodoslovija. Sa adava više anela rasprave, nego so mothovela e Devlesoro plan savo ćerela pe veraja.

1. Timotej 2:7

I adalese o Devel čhivđa man te ovav propovedniko hem apostoli, te ovav učitelji avere nacijengoro ani vera hem ano čačipe. Na hovavava, vaćerava tumenđe o čačipe.

2. Timotej 1:11

zako savo injum čhivdo sar propovedniko, apostoli hem učitelji.