Efežanenđe 1:23 - I Biblija ki Arli romani čhib

²³ A e Hristesoroi telo i Khanđiri – pherdi e Hristeja kova pherela sa ano sa.

Biblija pe romani čhib

²³ savi si lesko Telo, pherdi e Hristosa savo pherel sa ande savorende.

E Devleso Lafi ko Gurbetsko dijalekt

²³ savi si e Hristeso telo – pherdi e Hristesa, savo pherol sa ane sa.

Efežanenđe 1:23 ပူးပေါင်းရင်းမြစ်များ

Jovano 1:16

Taro pherdipe oti olesiri milost sare priminđam milost pali milost.

Rimljanenđe 13:5

Adalese valjani te pokorinen tumen zako vlastija, na samo sar te našen oti e Devlesiri holi, nego hem zbog i čisto savest.

Efežanenđe 2:16

Ple meribnaja ko krsto, o Hrist čhinavđa o neprijateljstvo taro soduj strane hem ćerđa len te oven jekh telo. Ađahar soduj strane pomirinđa e Devleja.

Efežanenđe 3:10

O Devel adaleja manglja, prekali Khanđiri, akana te mothoj pli raznoliko mudrost zako poglavarstvija hem zako vlastija ko nebesija.

Efežanenđe 3:19

hem te pendžaren adava mangipe e Hristesoro savoi upreder đijekh džandipe. Ađahar ka oven pherde ano sa o pherdipe e Devlesoro.

Efežanenđe 4:10

Okova kova huljinđa, istoi Okova kova uklinđa više oto sa o nebesija, te pherel sa.

Efežanenđe 4:12

te pripremini e Devlesere manušen zaki služba, te izgradini pe o telo e Hristesoro.

Efežanenđe 4:13

Ađahar sare ka ava đi ko jedinstvo ani vera hem ano pendžaripe e Devlesere Čhave, đi ko zrelo manuš, sa dok na ovaja savršena sar o Hrist.

Efežanenđe 4:4

Jekhi telo hem jekhi Duho, sar soi jekh i nada ki savi o Devel vičinđa tumen.

Kološanenđe 1:24

Akana radujinav man so patinava zako tumenđe, adalese so adaleja upro mlo telo dovršinava o patnje e Hristesere save pana valjani te nakhavav zako lesoro telo, savoi i Khanđiri.

Kološanenđe 2:19

hem na ićeri pe upro Hrist kovai o Šero, savestar sa o Telo, podupirime hem povezime zglobonencar hem žilencar, barjola ađahar sar so o Devel dela le te barjol.

Kološanenđe 3:11

Adathe nane više razlika maškaro Grco hem Jevrejco, obrezime hem biobrezime, stranco hem necivilizovano, robo hem slobodnjako, negoi o Hrist sa hem ovi ano sarijende.

Kološanenđe 3:15

Nek e Hristesoro mir, ko savo injen vičime ano jekh telo, vladini ano tumare vile. Hem oven zahvalna.