2. Petar 3:2 - I Biblija ki Arli romani čhib

² hem mangava te setinen tumen e lafendar save angleder vaćerde o sveta proroci, hem e naredbendar amare Gospodesere hem Spasiteljesere savei tumenđe dinde prekalo apostolja.

Biblija pe romani čhib

² thaj mangav te den tumen gođi ke alava save prorokuisardine e svete prorokurja majsigo ande nakhli vrjama thaj ke zapovedi amare Gospodešće thaj e Spasitelješće, save dine pe tumenđe kroz e apostolurja.

E Devleso Lafi ko Gurbetsko dijalekt

² Mangav te den tumen gođi paše lafura save vaćarde e sveta prorokura thaj paše zapovedura save dija tumen o Gospod thaj o Spasitelj prekal pe apostolura.

2. Petar 3:2 ပူးပေါင်းရင်းမြစ်များ

Лука 1:70

sar so vaćerđa pana angleder prekalo muja ple svetone prorokonengere.

Лука 24:27

I tegani lelja te objasnini lenđe soi e Hristestar pisime ano Sveta lila, počindoj e Mojsijasere lilendar hem ano sa e prorokonengere lila.

Лука 24:44

Tegani o Isus phenđa lenđe: “Akavai o lafija save vaćerđum tumenđe dok injumle tumencar: da valjani te pherđol sa soi pisime mandar ano Zakoni e Mojsijasoro, ano Lila e prorokonengere hem ano Psalmija.”

Delja 10:43

Olestar svedočinena sa o proroci, da đijekh kova verujini ano leste, prekalo lesoro anav primini oprostiba zako grehija.”

Delja 28:23

I ađahar odredinde jekh dive, hem ko than kaj bešela ine o Pavle ale više olendar. Ov taro sabajle đi raćate vaćeri lenđe ine hem svedočini e Devlesere carstvostar, hem uverini len taro e Mojsijasoro zakoni hem taro Proroci ano sa okova so odnosini pe upro Isus.

Delja 3:18

Ali o Devel ađahar pherđa okova so prekalo sa o proroci angleder vaćerđa – da lesoro Hrist ka patini.

Delja 3:21

Ov valjani te ačhol ko nebo sa đikote na avela o vreme o Devel te obnovini sa, sar so angleder obećinđa prekalo ple sveta proroci.

Galatenđe 6:2

Akharen o pharipa jekh averesere, i ađahar ka pheren e Hristesoro zakoni.

Efežanenđe 2:20

Tumen injen i građevina savi ćerdi upro temelji e apostolongoro hem e prorokonengoro, a korkoroi o Hrist Isus lakoro najbitno bar.

Efežanenđe 3:5

savi angleder na inele mothovdi zako anglune generacije, ali akanai prekalo Duho mothovdi lesere svetone apostolenđe hem e prorokonenđe.

1. Timotej 6:14

te ićere akaja naredba bizi mana hem čisto đi ko dive kad ka avel amaro Gospod Isus Hrist.

2. Petar 2:21

Esavkenđe ka ovel ine po šukar te na pendžaren ine o drom oti pravednost, nego so, kad pendžarde le, irinde pumaro dumo zaki sveto naredba savi ine lenđe dindi.

2. Petar 3:15

A te džanen da lesiri strpljivost značini spasenje, sar so hem amaro manglo phral o Pavle pisinđa tumenđe pali mudrost savi lese dindi.

2. Petar 3:16

Ov ađahar pisini ano sa o lila kad adalestar vaćeri. Ano lende isi nesave stvarija savei phare te haljoven pe, save o bisikavde hem o nestabilna manuša naopako tumačinena. On adava ćerena hem ko avera thana ano Sveto lil, pese ki propast.

1. Jovan 4:6

Amen injam e Devlestar. Ko pendžari e Devle, šunela amen, a ko nane e Devlestar, na šunela amen. Ađahar pendžaraja kovai o Duho e čačipnasoro, a kovai o duho e hovajbnasoro.

Judasko 1:17

A tumen, mle manglalen, setinen tumen e lafendar so angleder phende o apostolja amare Gospodesere e Isuse Hristesere.

Otkrivenje 19:10

Peljum ko kočija anglo lesere pre te pokloninav man lese, a ov phenđa maje: “Ma ćer adava! Me injum sluga, isto sar so hem tu hem te phralja kola svedočinena pla veratar ano Isus. E Devlese poklonin tut. Adalese so, okola kola svedočinena e Isusestar, olen isi Duho oto proroštvo.”