1. Petar 1:3 - I Biblija ki Arli romani čhib

³ Nek ovel blagoslovime o Devel, o Dad amare Gospodesoro e Isuse Hristesoro. Ov amen ano plo baro milosrđe, e Isuse Hristesere uštibnaja taro mule, palem bijanđa zaki dživdi nada,

Biblija pe romani čhib

³ Neka si blagoslovime o Del, o Dad amare Gospodesko e Isuse Hristosko. Vo amen ando piro baro milosrđe, gajda kaj vaskrsnisarda e Isuse Hristo andar e mule, palem bijanda pale džudi nada,

E Devleso Lafi ko Gurbetsko dijalekt

³ Nek avol blagoslovimo o Dol, o Dad amare Gospodeso e Isuseso e Hristeso! Vov ane piro baro milosrđe dija amen palem te bijandiva ani džuvdi nada premalo uštipe e Isuseso e Hristeso tare mule

1. Petar 1:3 ပူးပေါင်းရင်းမြစ်များ

Jovano 1:13

On nane bijande ni prirodno, ni oti volja e telosiri, ni oti volja e muršesiri, nego oto Devel.

Rimljanenđe 12:12

Zbog i nada savi isi tumen, oven radosna, kad injen ano nevolje, oven strpljiva, a ani molitva oven istrajna.

Rimljanenđe 15:13

Nek o Devel, kastar avela i nada, pherel tumare vile đijekhe radujibnaja hem mireja ani vera. Ađahar tumari nada stalno ka barjol palo zoralipe e Svetone Duhosoro.

Rimljanenđe 4:25

O Isus inele dindo te merel zako amare prestupija, a uštino taro mule zako amaro opravdanje.

Rimljanenđe 5:10

Adalese so, te injamle izmirime e Devleja lesere Čhavesere meribnaja, pana sar injamle lesere neprijatelja, kobor više akana ka ova spasime lesere Čhavesere dživdipnaja, akana kad injam izmirime!

Rimljanenđe 8:11

A te e Devlesoro Duho, kova vazdinđa e Isuse taro mule, živini ana tumende, onda o isto Devel kova e Hriste vazdinđa taro mule, prekalo Duho kova živini ana tumende, ka oživini hem tumare telija save merena.

Rimljanenđe 8:24

Adalese so, ani adaja nada injam spasime. A i nada savi dičhola nane nada, adalese so niko na nadini pe okolese so već dikhela.

Galatenđe 6:16

Mir hem milosrđe sarijenđe kola ićerena pe ko akava pravilo hem e Devlesere Izraelese.

Efežanenđe 1:17

Molinav man o Devel amare Gospodesoro e Isuse Hristesoro, o slavno Dad, te del tumen e Duho oti mudrost hem oto otkrivenje, te pendžaren le.

Efežanenđe 1:3

Blagoslovime te ovel o Devel hem o Dad amare Gospodesoro e Isuse Hristesoro, kova ano Hrist blagoslovinđa amen đijekhe duhovnone blagosloveja ko nebesija.

Efežanenđe 1:7

Ano Hrist isi amen otkupljenje prekalo lesoro rat, o oprostiba e grehengoro palo barvalipe oti e Devlesiri milost.

Efežanenđe 2:4

Ali o Devel, kovai barvalo ano milosrđe, oto plo baro mangipe premalo amende,

Efežanenđe 3:20

A Okolese kova ple zoralipnaja, savo delujini ana amende, šaj te ćerel but više nego so amen šaj te molina le ili te zamislina,

Kološanenđe 1:23

Samo te ačhiljen utemeljime hem zorale ani vera, hem te na cidinđen tumen tari nada oto evanđelje savo šunđen. Oto adava evanđelje savo propovedini pe zako sa o stvorenja teleder o nebo, a savese me, o Pavle, uljum sluga.

Kološanenđe 1:27

Olenđe o Devel manglja te mothoj kobori barvali hem slavno adaja tajna, savi zako sa o narodija. Akajai i tajna: o Hrist živini ana tumende, hem adavai tumari nada zako učestvujiba ani slava e Devlesiri.

1. Timotej 1:14

Amaro Gospod mothovđa maje but bari milost! Pherđa man veraja hem mangipnaja savei ano Hrist Isus.

Titošće 2:13

adžićerindoj o blagoslovime dive savese nadinaja amen hem o slavno mothojba amare bare Devlesoro hem e Spasiteljesoro, e Isuse Hristesoro.

Jakovesko 1:18

Ov odlučinđa te bijani amen e čačipnasere lafeja, te ova prva maškaro sa so ćerđa.

1. Petar 1:13

Adalese, pripreminen tumari godi, oven trezvena, tumaro pouzdanje pherdeste te ovel ani milost savi ka anel tumenđe o aviba e Isuse Hristesoro.

1. Petar 1:21

kola prekalo leste verujinena ano Devel, kova vazdinđa le taro mule hem proslavinđa le, te šaj tumari vera hem i nada oven ano Devel.

1. Petar 1:23

Adalese so, injen palem bijande, na taro propadljivo seme, nego taro nepropadljivo, prekalo dživdo hem večno lafi e Devlesoro.

1. Petar 2:2

Sar o tek bijande čhavore roden o čisto duhovno thud, te šaj olestar barjoven zako spasenje,

1. Petar 3:15

Nego, den čast e Hristese sar e svetone Gospodese ano tumare vile hem oven uvek spremna te odgovorinen đijekhese ko tumendar rodela objašnjenje oti nada savi ana tumende.

1. Petar 3:21

Adavai pani slika oto krstiba savo akana spasini hem tumen adaleja so o Isus Hrist uštino taro mule. A adava nane thojba o melalipa e telosere, nego zavet e Devlese ani čisto savest.

1. Petar 3:5

Adalese so, ađahar nekad kitinde pe o sveta đuvlja kolengiri nada inele ano Devel. On pokorinde pe pumare romenđe,

1. Jovan 2:29

Sar so džanena dai o Hrist pravedno, džanena hem dai olestar bijando đijekh kova ćerela okova soi pravedno.

1. Jovan 3:3

I đijekhe kas isi adaja nada ano leste, čistini pe sar soi hem o Hrist čisto.

1. Jovan 3:9

Koi bijando e Devlestar, na živini ano greh, adalese so e Devlesoro seme živini ano leste. Ov našti te živini ano greh, adalese soi bijando e Devlestar.

1. Jovan 4:7

Mle manglalen, hajde te manga jekh avere, adalese soi o mangipe e Devlestar. Đijekh kova mangela, ovi e Devlestar bijando hem pendžari e Devle.

1. Jovan 5:1

Đijekh kova verujini dai o Isus o Hrist, bijandoi e Devlestar. I đijekh kova mangela e Dade, mangela hem okole kovai bijando lestar.

1. Jovan 5:18

Džanaja da đijekh kovai bijando e Devlestar na živini ano greh, nego arakhi le o Čhavo e Devlesoro, hem o Bišukar našti te ćerel lese ništa.

1. Jovan 5:4

Adalese so, sa soi e Devlestar bijando, pobedini e sveto. A akavai pobeda savi pobedinđa e sveto: amari vera.