1. Jovan 5:20 - I Biblija ki Arli romani čhib

²⁰ A džanaja da o Čhavo e Devlesoro alo hem dinđa amen godi te pendžara e čačikane Devle. A amen injam ano čačikano Devel, ano lesoro Čhavo o Isus Hrist. Ovi o čačikano Devel hem o večno dživdipe.

Biblija pe romani čhib

²⁰ A džanas kaj o Čhavo e Devlesko avilo thaj dija men haćaripe te pindžaras e čačutne Devle. Thaj amen sam ando čačutno Del, ande lesko Čhavo o Isuso Hristo. Vo si čačo Del thaj večno trajo.

E Devleso Lafi ko Gurbetsko dijalekt

²⁰ Al džana kaj o Čhavo e Devleso avilo thaj dija amen gođi te pindžara kole čačukane Devle. Thaj amen sam ano čačukano Dol, ano Čhavo leso, ano Isus o Hrist. Vov si čačukano Dol thaj džuvdipe bizo meripe.

1. Jovan 5:20 ပူးပေါင်းရင်းမြစ်များ

Matej 13:11

A ov phenđa lenđe: “Adalese soi tumenđe dindo te džanen o garavdipa oto carstvo e nebosoro, a olenđe nane dindo.

Лука 21:15

Adalese so me ka dav tumen mudrost hem lafija ko save nijekh tumaro protivniko naka šaj te irini lafi.

Лука 24:45

Tegani phravđa lengere jaćha te haljoven o Sveta lila,

Jovano 1:18

E Devle niko nikad na dikhlja, ali o jekhoro Čhavo, kovai hem korkoro Devel hem kovai e Dadese najpaše, ov mothovđa le.

Jovano 10:30

Me hem o Dad jekh injam.”

Jovano 14:20

Adava dive ka haljoven da me injum ano mlo Dad hem da tumen injen ana mande, a me ana tumende.

Jovano 14:23

O Isus phenđa lese: “Te neko mangela man, ka ićeri mlo Lafi, hem mlo Dad ka mangel le. Mlo Dad hem me ka ava koro leste hem ka ačhova koro leste.

Jovano 14:6

A o Isus phenđa lese: “Me injum o Drom, o Čačipe hem o Dživdipe. Nijekh na avela koro Dad, sem prekala mande.

Jovano 14:9

O Isus phenđa lese: “Edobor vreme injum tumencar, a tu man, Filipe, pana na pendžareja! Ko dikhlja man, dikhlja hem e Dade. Sar šaj te phene: ‘Mothov amenđe e Dade’?

Jovano 15:4

Ačhoven ana mande hem me ka ačhovav ana tumende. Sar so i loza našti te anel bijandipe korkori pestar te na ačhili upro čokot, ađahar ni tumen našti te anen bijandipe te na ačhiljen ana mande.

Jovano 17:14

Dinđum len to Lafi, a o sveto zamrzinđa len, adalese so on nane oto sveto, sar so hem me na injum oto sveto.

Jovano 17:25

Pravednona Dade, iako o sveto na pendžari tut, me pendžarava tut, hem akala džanen da tu bičhalđan man.

Jovano 17:3

A akavai o večno dživdipe: te pendžaren tut, e jekhe čačikane Devle, hem e Isuse Hriste, kole tu bičhalđan.

Jovano 20:28

A o Toma tegani phenđa lese: “Mlo Gospod hem mlo Devel!”

Jovano 8:42

A o Isus phenđa lenđe: “Te ovel ine o Devel tumaro dad, ka volinen man ine, adalese so me aljum taro Devel hem akana injum akate. Na aljum korkoro mandar, nego ov bičhalđa man.

Delja 20:28

Arakhen tumen hem sa e Devlesoro stado upro saveste o Sveto Duho čhivđa tumen sar nadglednikonen. Oven pastirija e Devlesere khanđirjakere, sava ov platinđa ple rateja.

Rimljanenđe 9:5

Olengerei hem o pradada o Avraam, o Isaak hem o Jakov, a olendar, palo telo, avela hem o Hrist, kovai Devel upreder sa. Olese slava zauvek! Amen.

Efežanenđe 3:18

te šaj zajedno sa e Devlesere manušencar haljoven kobori i širina, i dužina, i visina hem i dubina e Hristesere mangipnastar,

Filipljanenđe 3:9

hem te arakhav man ano leste – na pali mli pravednost savi avela taro ićeriba o Zakoni, nego pali okoja savi avela prekali vera ano Hrist: pali pravednost savi avela e Devlestar prekali vera.

1. Timotej 3:16

Bizi sumnja, baroi o garavdipe ano adava so verujinaja: Ov inele mothovdo ano telo, inele opravdime e Duhostar, inele dikhlo e anđelendar, inele propovedime maškaro avera nacije, ano leste o manuša verujinde hem legardilo upre ani slava.

Titošće 2:13

adžićerindoj o blagoslovime dive savese nadinaja amen hem o slavno mothojba amare bare Devlesoro hem e Spasiteljesoro, e Isuse Hristesoro.

1. Jovan 2:23

Ko na priznajini e Čhave, nane le ni e Dade. Ko priznajini e Čhave, isi le hem e Dade.

1. Jovan 2:24

Okova so šunđen taro anglunipe, nek ačhol ana tumende. Te adava so šunđen taro anglunipe ačhola ana tumende, onda hem tumen ka ačhoven ano Čhavo hem ano Dad.

1. Jovan 2:6

Ko vaćeri da ačhola ano leste, ov mora te živini ađahar sar so o Hrist živinđa.

1. Jovan 4:14

A amen dikhljam hem svedočinaja da o Dad bičhalđa e Čhave te ovel Spasitelji e svetosoro.

1. Jovan 4:16

A amen pendžarđam hem verujinđam ano mangipe savo o Devel isi le premalo amende. O Develi o mangipe. Ko živini ano mangipe, ano Devel živini hem o Devel živini ano leste.

1. Jovan 4:2

Palo akava ka pendžaren e Devlesere Duho: đijekh duho kova priznajini da o Isus Hrist alo ano telo, ovi taro Devel.

1. Jovan 5:1

Đijekh kova verujini dai o Isus o Hrist, bijandoi e Devlestar. I đijekh kova mangela e Dade, mangela hem okole kovai bijando lestar.

1. Jovan 5:15

A te džanaja da šunela amen kad so god rodaja, džanaja da isi amen adava so rodinđam lestar.

1. Jovan 5:18

Džanaja da đijekh kovai bijando e Devlestar na živini ano greh, nego arakhi le o Čhavo e Devlesoro, hem o Bišukar našti te ćerel lese ništa.

1. Jovan 5:5

Koi pobedniko upreder o sveto te nane okova kova verujini dai o Isus o Čhavo e Devlesoro?

Otkrivenje 15:3

Đilabde i đilib e Mojsijasiri, e Devlesere slugasiri, hem e Bakroresiri đilib: “Barei hem čudesna te delja, Gospode Devla, tu kova sa šaj! Pravednai hem čačikane te droma, Carona e nacijengere!

Otkrivenje 19:11

Tegani dikhljum phravdo nebo, a adari, parno gras. O anavi okolesoro kova ine upro gras Verno hem Čačikano, hem ov pali pravda sudini hem džala ko mariba.

Otkrivenje 3:14

“E anđeose e khanđirjakere ani Laodikeja pisin: ‘Akava vaćeri o Amen, o Verno hem o Čačikano svedoko, okova prekala kaste o Devel ćerđa sa:

Otkrivenje 3:7

“E anđeose e khanđirjakere ani Filadelfija pisin: ‘Akava vaćeri o Sveto hem o Čačikano, kole isi o ključo e carosoro e Davidesoro – kad ov nešto phravela, niko našti adava te phandel, hem kad ov nešto phandela, niko našti adava te phravel:

Otkrivenje 6:10

On taro sa o glaso vičinde: “Gospodarona, svetoneja hem čačikaneja, pana kobor ka nakhel đikote na osudineja e manušen ki phuv hem na osvetineja amaro rat?”