1. Jovan 4:9 - I Biblija ki Arli romani čhib

⁹ Ađahar o Devel mothovđa plo mangipe amenđe: bičhalđa ple jekhore Čhave ano sveto te šaj živina prekalo leste.

Biblija pe romani čhib

⁹ O Del gajda sikadas amenđe piri ljubav: bičhalda pire jedine Čhaves po them te trajis prekal leste.

E Devleso Lafi ko Gurbetsko dijalekt

⁹ E Devleso manglipe sikadilo premal amende pale gova: O Dol bičhalda pe jekhore Čhave ano sveto te avol amen prekale leste džuvdipe.

1. Jovan 4:9 ပူးပေါင်းရင်းမြစ်များ

Marko 12:6

Ačhilo lese samo pana jekh: lesoro manglo čhavo. Ko kraj bičhalđa hem ole, vaćerindoj: ‘Mle čhave ka poštujinen.’

Лука 4:18

“O Duhoi e Gospodesoro upra mande, adalese so pomazinđa man te vaćerav o šukar lafi e čororenđe. Bičhalđa man te proglasinav e phandlenđe da ka oven oslobodime, e kororenđe da ka irini pe lenđe o dikhiba, e mučimenđe da ka oven slobodna,

Jovano 10:10

O čor avela samo te čorel, te mudari hem te uništini. Me aljum e manušen te ovel dživdipe, hem adava dživdipe ano izobilje.

Jovano 14:6

A o Isus phenđa lese: “Me injum o Drom, o Čačipe hem o Dživdipe. Nijekh na avela koro Dad, sem prekala mande.

Jovano 3:16

Adalese so, o Devel edobor manglja e manušen taro sveto da dinđa ple jekhore Čhave, da đijekh kova verujini ano leste te na merel, nego te ovel le večno dživdipe.

Jovano 3:18

Ko verujini ano leste, nane osudime, a ko na verujini, ovi već osudime, adalese so na poverujinđa ano anav e Devlesere jekhore Čhavesoro.

Jovano 5:23

te šaj sare poštujinen e Čhave sar so poštujinena e Dade. Ko na poštujini e Čhave, na poštujini ni e Dade, kova bičhalđa le.

Jovano 6:29

A o Isus phenđa lenđe: “Akavai i buti savi o Devel rodela tumendar te ćeren: te verujinen ano okoleste kole ov bičhalđa.”

Jovano 6:51

Me injum o dživdo maro savo huljilo taro nebo. Ko ka hal akava maro, večno ka živini. Akavai maro mlo telo, savo ka dav te šaj o manuša taro sveto živinen.”

Jovano 6:57

Sar so man bičhalđa o dživdo Dad, hem me živinava zbog o Dad, ađahar hem okova kova hala man ka živini zbog mande.

Jovano 8:29

A okova kova bičhalđa man, ovi mancar. Na ačhavđa man korkore, adalese so uvek ćerava okova soi lese šukar.”

Jovano 8:42

A o Isus phenđa lenđe: “Te ovel ine o Devel tumaro dad, ka volinen man ine, adalese so me aljum taro Devel hem akana injum akate. Na aljum korkoro mandar, nego ov bičhalđa man.

Jovano 9:3

A o Isus phenđa: “Nane kororo adalese so grešinđa ov ili lesoro dad ili i daj. Ov bijando kororo te šaj upro leste mothoj pe o delja e Devlesere zoralipnastar.

Rimljanenđe 8:32

Ov, kova čak ni ple Čhave na poštedinđa, nego dinđa le te merel zako sarijenđe amenđe, sigurno ka del amen hem sa aver zajedno oleja.

1. Jovan 3:16

Palo akava džanaja soi o mangipe: o Hrist dinđa plo dživdipe amenđe. Adalese hem amen injam dužna te da amaro dživdipe amare phraljenđe.

1. Jovan 4:10

Ano akavai o mangipe: na ano adava da amen mangljam e Devle, nego da ov manglja amen hem bičhalđa ple Čhave sar žrtva zako oprostiba amare grehengoro.

1. Jovan 4:16

A amen pendžarđam hem verujinđam ano mangipe savo o Devel isi le premalo amende. O Develi o mangipe. Ko živini ano mangipe, ano Devel živini hem o Devel živini ano leste.

1. Jovan 5:11

A akavai adava svedočanstvo: o Devel dinđa amen večno dživdipe, hem adavai dživdipe ano lesoro Čhavo.

1. Jovan 5:13

Akava pisinđum tumenđe kola verujinena ano anav e Devlesere Čhavesoro te džanen da isi tumen večno dživdipe.