1. Jovan 4:6 - I Biblija ki Arli romani čhib

⁶ Amen injam e Devlestar. Ko pendžari e Devle, šunela amen, a ko nane e Devlestar, na šunela amen. Ađahar pendžaraja kovai o Duho e čačipnasoro, a kovai o duho e hovajbnasoro.

Biblija pe romani čhib

⁶ Amen pripadis e Devlešće. Ko pindžarel e Devle, čhol kan amende. Ko či pripadil e Devlešće, či čhol kan amende. Pe godova džanasa dali si varekas čačo Duho ili hohavno duho.

E Devleso Lafi ko Gurbetsko dijalekt

⁶ Al amen sam taro Dol. Ko pindžarol e Devle, šunol amen; ko naj taro Dol, ni šunol amen. Pale gova ka pindžara e Duxo e čačimaso thaj e duxo e xoxaimaso.

1. Jovan 4:6 ပူးပေါင်းရင်းမြစ်များ

Лука 10:22

Mlo Dad sa muklja maje ko vasta. Niko na džanel e Čhave, sem o Dad; hem niko na džanel e Dade, sem o Čhavo hem okola kolenđe o Čhavo mangela te mothoj le.”

Jovano 10:16

Isi man hem avera bakre, kola nane taro akava stado; hem olen valjani te anav. Hem on ka šunen mlo glaso, i ka ovel jekh stado jekhe pastireja.

Jovano 10:27

Mle bakre šunena mlo glaso hem me pendžarava len, hem on džana pala mande.

Jovano 10:3

Olese o stražari phravela o udar, a o bakre šunena lesoro glaso. Ov ple bakren vičini palo anav hem ikali len avri.

Jovano 13:20

Čače, čače vaćerava tumenđe: ko primini okole kole me bičhalava, man primini, a ko primini man, primini Okole kova bičhalđa man.”

Jovano 14:17

e Duho e čačipnasere, kole o sveto našti primini, adalese so na dikhela le hem na pendžarela le. Tumen pendžarena le, adalese soi tumencar hem ka ovel ana tumende.

Jovano 15:26

A kad ka avel o Zastupniko, kole ka bičhalav tumenđe e Dadestar – o Duho e čačipnasoro kova avela e Dadestar – ov ka svedočini mandar.

Jovano 16:13

Ali, kad ka avel ov, o Duho e čačipnasoro, ka legari tumen ano sa o čačipe. Ov naka vaćeri korkoro pestar, nego ka vaćeri samo okova so šunela, hem ka vaćeri tumenđe okova so ka ovel.

Jovano 18:37

Tegani o Pilat phenđa: “Znači, tu injan caro!” A o Isus phenđa: “Ađahari sar so pheneja: Injum caro. Me akalese bijandiljum hem akalese aljum ko sveto: te svedočinav zako čačipe. Đijekh kovai oto čačipe, šunela mlo glaso.”

Jovano 20:21

Tegani o Isus palem phenđa lenđe: “Mir tumencar. Sar so mlo Dad bičhalđa man, ađahar hem me bičhalava tumen.”

Jovano 8:19

A o fariseja pučle le: “Kaj to dad?” O Isus phenđa lenđe: “Tumen na džanen ni man ni mle Dade. Te džanen ine ko injum me, ka džanen ine hem mle Dade.”

Jovano 8:23

A o Isus phenđa lenđe: “Tumen injen telal, a me injum upral. Tumen injen taro akava sveto, a me na injum taro akava sveto.

Rimljanenđe 1:1

Pisinava tumenđe me o Pavle, o sluga e Isuse Hristesoro, e Devlestar vičime sar apostoli hem odvojime te propovedinav o evanđelje,

Rimljanenđe 11:8

Sar soi pisime ano Sveto lil: “O Devel dinđa len duho savo ćerela len zorale te soven, jaćhencar te na dikhen, hem kanencar te na šunen, sa đi ko avdisutno dive.”

1. Timotej 4:1

O Duho jasno vaćeri so ko poslednja vremenja nesave ka otperen oti vera, hem ka džan palo hovavne duhija hem palo sikaviba e demonengere.

2. Petar 3:2

hem mangava te setinen tumen e lafendar save angleder vaćerde o sveta proroci, hem e naredbendar amare Gospodesere hem Spasiteljesere savei tumenđe dinde prekalo apostolja.

1. Jovan 4:1

Mle manglalen, ma verujinen đijekhe duhose, nego proverinen e duhen – te dikhen avena li taro Devel – adalese so iklile but hovavne proroci ano sveto.

1. Jovan 4:4

Mle čhavoralen, tumen injen e Devlestar hem pobedinđen len, adalese so okova kovai ana tumende po baroi okolestar kovai ano sveto.

1. Jovan 4:8

Ko na mangela, ov na pendžari e Devle, adalese soi o Devel mangipe.

1. Jovan 5:19

Amen džanaja da injam e Devlestar, a dai sa o sveto ani vlast e Bišukaresiri.

Judasko 1:17

A tumen, mle manglalen, setinen tumen e lafendar so angleder phende o apostolja amare Gospodesere e Isuse Hristesere.