1. Jovan 4:12 - I Biblija ki Arli romani čhib

¹² E Devle niko nikad na dikhlja; ali te mangaja jekh avere, o Devel živini ana amende hem lesoroi mangipe ana amende savršeno.

Biblija pe romani čhib

¹² E Devles nikada khonik či dikhla, ali ako volisaras jek avres, o Del trajil ande amende thaj lešći ljubav si ande amende savršeno.

E Devleso Lafi ko Gurbetsko dijalekt

¹² E Devle khoni nikad ni dikhlja. Te manga jekh avere, o Dol ačhol ane amende thaj leso manglipe si savršeno ane amende.

1. Jovan 4:12 ပူးပေါင်းရင်းမြစ်များ

Jovano 1:18

E Devle niko nikad na dikhlja, ali o jekhoro Čhavo, kovai hem korkoro Devel hem kovai e Dadese najpaše, ov mothovđa le.

1. Timotej 1:17

A e večnone Carose, e jekhe Devlese, kova našti merel, kova na dičhola, čast hem slava zauvek! Amen.

1. Timotej 6:16

Ovi o jekh kova nikad naka merel hem kova bešela ano svetlost kaj niko našti te avel. Ole nijekh manuš na dikhlja, ni šaj te dikhel le. Olese čast hem večno zoralipe. Amen.

1. Jovan 2:5

A ko ićeri pe ko lesere lafija, ano leste o mangipe e Devlesoro čače alo đi ko savršenstvo. Palo adava džanaja da injam ano leste.

1. Jovan 3:24

Ko ićeri lesere naredbe ačhola ano Devel, hem o Devel ačhola ano leste. A palo akava džanaja da ov ačhola ana amende: palo Duho kole dinđa amen.

1. Jovan 4:16

A amen pendžarđam hem verujinđam ano mangipe savo o Devel isi le premalo amende. O Develi o mangipe. Ko živini ano mangipe, ano Devel živini hem o Devel živini ano leste.

1. Jovan 4:20

Te neko vaćeri: “Mangava e Devle”, a mrzini ple phrale, ovi hovavno. Adalese so, ko na mangela ple phrale, kole dikhela, ov našti te mangel e Devle, kole na dikhela.

1. Jovan 4:6

Amen injam e Devlestar. Ko pendžari e Devle, šunela amen, a ko nane e Devlestar, na šunela amen. Ađahar pendžaraja kovai o Duho e čačipnasoro, a kovai o duho e hovajbnasoro.