1. Jovan 3:8 - I Biblija ki Arli romani čhib

⁸ Ko živini ano greh, ovi e bengestar, adalese so o beng grešini taro anglunipe. Adalese mothovđa pe o Čhavo e Devlesoro, te uništini e bengesere delja.

Biblija pe romani čhib

⁸ Ako vareko trajil ando bezeh, godova sikavel kaj pripadil e benđešće kaj o beng grešil katar o početko. O Čhavo e Devlesko avilo pale godova: te uništil e benđešće buća.

E Devleso Lafi ko Gurbetsko dijalekt

⁸ Ko živil ane grehura, vov si e benđeso, golese kaj o beng ćerol grehura taro anglunipe. Golese o Čhavo e Devleso avilo te uništil e buća e benđese.

1. Jovan 3:8 ပူးပေါင်းရင်းမြစ်များ

Matej 12:28

Ali te me e Devlesere Duhoja ispudinava e demonen, onda o carstvo e Devlesoro alo maškara tumende.

Matej 13:38

a i njivai o sveto. O šukar semei o čhave e carstvosere, a o kukolj o čhave e Bišukaresere.

Matej 4:3

Tegani alo koro leste o beng kova kušini hem phenđa lese: “Te injan o Čhavo e Devlesoro, vaćer akale barenđe te oven maro.”

Marko 1:24

“So mangeja amendar, Isuse Nazarećanine? Aljan li te uništine amen? Džanav ko tu injan: o Sveco e Devlesoro.”

Лука 10:18

A o Isus ko adava phenđa lenđe: “Dikhljum e Sotone sar perela taro nebo sar munja.

Jovano 12:31

Akanai o vreme te sudini pe akale svetose. Akana o vladari akale svetosoro ka ovel frdime avri.

Jovano 16:11

So tičini pe oto sudo, adalese soi o vladari akale svetosoro već osudime.

Jovano 8:44

Tumaroi dad o beng hem mangena te ćeren palo tumare dadesere želje. Ovi taro anglunipe ubica hem na ićerđa pe ko čačipe, adalese so ano leste nane čačipe. Kad hovaj, ov mothoj plo pravo muj, adalese soi hovavno hem dad e hovajbnasoro.

Rimljanenđe 16:20

A o Devel, kova dela mir, sigate ka zdrobini e Sotone talo tumare pre. I milost amare Gospodesiri e Isusesiri tumencar.

Efežanenđe 2:2

ano save nekad živinđen sar so živini akava sveto. Injenle poslušna e bengese, e demonengere vladarese ano vazduho, kova akana ćerela buti maškar okola kola nane poslušna e Devlese.

Kološanenđe 2:15

Lelja o zoralipe oto poglavarstvija hem vlastija hem javno lađarđa len pobedaja ko krsto.

1. Timotej 3:16

Bizi sumnja, baroi o garavdipe ano adava so verujinaja: Ov inele mothovdo ano telo, inele opravdime e Duhostar, inele dikhlo e anđelendar, inele propovedime maškaro avera nacije, ano leste o manuša verujinde hem legardilo upre ani slava.

2. Petar 2:4

Adalese so, o Devel na poštedinđa ni e anđelen kola ćerde greh, nego phandlen frdinđa len ani tomina e pakaosiri, kaj ićeri len đi ko Sudo.

1. Jovan 1:2

Adava dživdipe mothovđa pe, hem amen dikhljam le hem svedočinaja olestar, hem vaćeraja tumenđe e večnone dživdipnastar, savo inele koro Devel o Dad hem savo mothovđa pe amenđe.

1. Jovan 3:10

Palo akava pendžarđona e Devlesere čhave hem e bengesere čhave: ko na ćerela okova soi pravedno hem ko na mangela ple phrale, nane e Devlestar.

1. Jovan 3:5

Tumen džanen da o Hrist mothovđa pe te cidel o grehija hem da ano leste nane greh.

1. Jovan 5:19

Amen džanaja da injam e Devlestar, a dai sa o sveto ani vlast e Bišukaresiri.

Judasko 1:6

Hem e anđelen kola na ićerde pe ko pumaro autoritet savoi lenđe dindo, nego ačhavde pumaro than, o Devel ićeri len phandlen večnone lanconencar ki tomina zako sudo savo ka ovel ko baro dive.

Otkrivenje 20:10

A o beng, kova legarđa len ano hovajba, inele frdime ano jagalo hem sumporno jezero, kaj već inele i Zver hem o hovavno proroko. Adari ka oven mučime zauvek – dive hem rat.

Otkrivenje 20:15

I kasoro anav na inele zapisime ani Knjiga e dživdipnasiri, inele frdime ano jagalo jezero.