1. Jovan 3:10 - I Biblija ki Arli romani čhib

¹⁰ Palo akava pendžarđona e Devlesere čhave hem e bengesere čhave: ko na ćerela okova soi pravedno hem ko na mangela ple phrale, nane e Devlestar.

Biblija pe romani čhib

¹⁰ E Devlešće čhavra thaj e benđešće čhavra pindžardonpe pe akava: svako savo či ćerel so si pravedno thaj či volil pire phrale, či pripadil e Devlešće.

E Devleso Lafi ko Gurbetsko dijalekt

¹⁰ Čhave e Devlese tare čhave e benđese pindžardon pale kava: Dži jekh savo ni ćerol i pravda thaj ni manđol pe phrale thaj pe pheja, ni preperol e Devlese.

1. Jovan 3:10 ပူးပေါင်းရင်းမြစ်များ

Matej 13:38

a i njivai o sveto. O šukar semei o čhave e carstvosere, a o kukolj o čhave e Bišukaresere.

Лука 6:35

Nego, mangen tumare neprijateljen, ćeren lenđe šukaripe hem den len ko zajam bizo nisavo adžićeriba te irini pe tumenđe adava! I o Devel ka del tumen bari nagrada. I ka oven čhave e Najbaresere, adalese soi ov šukar hem premalo nezahvalna hem premalo bišukar.

Jovano 1:12

A sarijenđe kola priminde le, kola verujinena ano lesoro anav, dinđa pravo te oven e Devlesere čhave.

Jovano 11:52

Hem na samo zako adava narodo, nego hem te bi čedela sa e Devlesere rasejime čhaven.

Jovano 8:44

Tumaroi dad o beng hem mangena te ćeren palo tumare dadesere želje. Ovi taro anglunipe ubica hem na ićerđa pe ko čačipe, adalese so ano leste nane čačipe. Kad hovaj, ov mothoj plo pravo muj, adalese soi hovavno hem dad e hovajbnasoro.

Jovano 8:47

Kovai e Devlestar, šunela e Devlesere lafija. Tumen na šunena len adalese so na injen e Devlestar.”

Delja 13:10

hem phenđa lese: “Čhaveja e bengesereja hem neprijateljona zako sa soi pravedno! Pherdo injan oto đijekh lukavstvo hem hovajba! Đikote više ka banđare o prava droma e Gospodesere?

Rimljanenđe 13:8

Nikase ništa ma oven dužna, sem te mangen jekh avere. Adalese so okova kova mangela avere, pherđa e Devlesoro Zakoni.

Efežanenđe 5:1

I adalese, dikhen te oven sar o Devel, adalese so injen lesere mangle čhave.

Kološanenđe 3:14

Upro sa adava urjen o mangipe, savo sa adava ićeri ano savršeno jedinstvo.

1. Timotej 1:5

O cilj oti akaja naredbai mangipe taro čisto vilo, tari šukar savest hem tari čačikani vera.

1. Jovan 2:29

Sar so džanena dai o Hrist pravedno, džanena hem dai olestar bijando đijekh kova ćerela okova soi pravedno.

1. Jovan 3:1

Dikhen kobor mangipe dinđa amen o Dad: te vičina amen e Devlesere čhave. A čače amen adava injam. O manuša e svetosere na pendžarena amen adalese so na pendžarde ole.

1. Jovan 3:2

Mle manglalen, akana injam e Devlesere čhave, a pana nane amenđe mothovdo so ka ova. Ali džanaja so, kad o Hrist ka mothoj pe, ka ova sar oleste, adalese so ka dikha le esavke sar soi ov čače.

1. Jovan 4:21

A akaja naredba isi amen olestar: ko mangela e Devle, te mangel hem ple phrale.

1. Jovan 4:6

Amen injam e Devlestar. Ko pendžari e Devle, šunela amen, a ko nane e Devlestar, na šunela amen. Ađahar pendžaraja kovai o Duho e čačipnasoro, a kovai o duho e hovajbnasoro.

1. Jovan 4:8

Ko na mangela, ov na pendžari e Devle, adalese soi o Devel mangipe.

1. Jovan 5:19

Amen džanaja da injam e Devlestar, a dai sa o sveto ani vlast e Bišukaresiri.

1. Jovan 5:2

Palo akava džanaja da mangaja e Devlesere čhaven: kad mangaja e Devle hem kad ćeraja lesere naredbe.

3. Jovan 1:11

Mangleja amala, ma dikh tut upro bišukaripe, nego upro šukaripe. Ko ćerela šukaripe, ovi e Devlestar. Ko ćerela bišukaripe, ov na dikhlja e Devle.