1. Jovan 3:1 - I Biblija ki Arli romani čhib

¹ Dikhen kobor mangipe dinđa amen o Dad: te vičina amen e Devlesere čhave. A čače amen adava injam. O manuša e svetosere na pendžarena amen adalese so na pendžarde ole.

Biblija pe romani čhib

¹ Dićhen Čefal bari ljubav dija men o Dad: te akhara men e Devlešće čhavrenca! A godova vi sam. E manuša akale themešće či pindžaren men zato kaj či pindžaren les.

E Devleso Lafi ko Gurbetsko dijalekt

¹ Dičhen kobor manglipe dija amen o Dad, te da amen vika čhave e Devlese thaj čače sam gova. E manuša tare kava sveto ni pindžaren amen golese kaj ni pindžaren e Devle.

1. Jovan 3:1 ပူးပေါင်းရင်းမြစ်များ

Лука 20:36

Adalese so našti više ni te meren: ka oven sar o anđelja. Oni čhave e Devlesere, adalese so o Devel ka vazdel len taro mule.

Jovano 1:12

A sarijenđe kola priminde le, kola verujinena ano lesoro anav, dinđa pravo te oven e Devlesere čhave.

Jovano 11:52

Hem na samo zako adava narodo, nego hem te bi čedela sa e Devlesere rasejime čhaven.

Jovano 15:21

A sa adava ka ćeren protiv tumende zbog mlo anav, adalese so na džanen Okole kova man bičhalđa.

Jovano 16:3

A adava ka ćeren adalese so na pendžarena ni mle Dade ni man.

Jovano 17:25

Pravednona Dade, iako o sveto na pendžari tut, me pendžarava tut, hem akala džanen da tu bičhalđan man.

Jovano 3:16

Adalese so, o Devel edobor manglja e manušen taro sveto da dinđa ple jekhore Čhave, da đijekh kova verujini ano leste te na merel, nego te ovel le večno dživdipe.

Rimljanenđe 5:8

Ali, o Devel plo mangipe amenđe mothoj ađahar: pana sar injamle grešnici, o Hrist mulo zako amenđe.

Rimljanenđe 8:19

Adalese so, sa so o Devel stvorinđa željno adžićeri te mothoj pe i slava e Devlesere čhavengiri.

Rimljanenđe 8:21

da ani slavno sloboda e Devlesere čhavengiri hem sa adava ka primini oslobođenje oto ropstvo savo legari ani propast.

Rimljanenđe 8:32

Ov, kova čak ni ple Čhave na poštedinđa, nego dinđa le te merel zako sarijenđe amenđe, sigurno ka del amen hem sa aver zajedno oleja.

Galatenđe 3:26

Adalese so sare tumen injen čhave e Devlesere prekali vera ano Hrist Isus.

Galatenđe 3:29

A te injen e Hristesere, onda injen e Avraamesoro potomstvo hem priminđen o nasledstvo palo obećanje savo o Devel dinđa le.

Kološanenđe 3:3

Adalese so, tumen muljen hem tumaroi dživdipe garavdo e Hristeja ano Devel.

1. Jovan 3:10

Palo akava pendžarđona e Devlesere čhave hem e bengesere čhave: ko na ćerela okova soi pravedno hem ko na mangela ple phrale, nane e Devlestar.

1. Jovan 3:2

Mle manglalen, akana injam e Devlesere čhave, a pana nane amenđe mothovdo so ka ova. Ali džanaja so, kad o Hrist ka mothoj pe, ka ova sar oleste, adalese so ka dikha le esavke sar soi ov čače.

1. Jovan 4:17

Palo adava o mangipe ana amende ovela savršeno, te šaj ovel amen pouzdanje ko Dive oto sudo; adalese so, savoi o Hrist, esavke injam hem amen ano akava sveto.

Otkrivenje 21:7

O pobedniko ka nasledini sa akava, hem me ka ovav lesoro Devel, a ov ka ovel mlo čhavo.