1. Jovan 2:17 - I Biblija ki Arli romani čhib

¹⁷ O sveto hem lesere požude nakhena, a ko ćerela e Devlesiri volja živini zauvek.

Biblija pe romani čhib

¹⁷ Akava them pire požudava naćhel, a ko ćerel e Devlešći volja, trajila zauvek.

E Devleso Lafi ko Gurbetsko dijalekt

¹⁷ O sveto thaj lese požude načhen, a ko ćerol e Devleso manglipe, ačhol dži sa e đivesa.

1. Jovan 2:17 ပူးပေါင်းရင်းမြစ်များ

Matej 21:31

Kova akale dujendar ćerđa e dadesiri volja?” On phende: “O prvo.” O Isus phenđa lenđe: “Čače vaćerava tumenđe, o carinici hem o bludnice angleder tumendar đerdinena ko carstvo e Devlesoro.

Matej 24:35

O nebo hem i phuv ka nakhen, ali mle lafija nikad naka nakhen.”

Matej 7:21

“Ano carstvo e nebosoro naka đerdinen sare kola vaćerena maje ‘Gospode, Gospode’, nego samo okola kola ćerena i volja mle Dadesiri kovai ano nebo.

Marko 3:35

Adalese so, đijekh kova ćerela i volja e Devlesiri, ovi mlo phral, hem mli phen, hem mli daj.”

Jovano 4:14

a kova pijela o pani savo me ka dav le, nikad više naka ovel žedno. O pani savo ka dav le ka ovel ano leste izvor e panjesoro savo dela večno dživdipe.”

Jovano 6:58

Me injum adava maro savo huljilo taro nebo, a na sar okova savo hale tumare pradada ani pustinja hem mule. Ko hala akava maro, večno ka živini.”

Jovano 7:17

Ko mangela te ćerel e Devlesiri volja, ka džanel avela li akava sikaviba Olestar ili me vaćerava korkoro mandar.

Rimljanenđe 12:2

Ma prilagodinen tumen akale svetose, nego muken e Devlese te menjini tumen ađahar so ka del tumen nevo razmišljanje, te šaj džanen soi lesiri volja, soi šukar, ugodno hem savršeno.

Kološanenđe 1:9

Adalese amen, taro dive kad adava šunđam, na ačhavaja te molina amen tumenđe. Rodaja e Devlestar: te oven pherde džandipnaja oti lesiri volja ani sa i mudrost hem o haljojba savo o Sveto Duho dela.

Kološanenđe 4:12

Pozdravini tumen hem o Epafras, kovai jekh tumendar hem sluga e Isuse Hristesoro. Ov ano molitve uvek marela pe zako tumenđe te zorjari tumen o Devel, te oven zrela hem pherdeste uverime ano okova so o Devel mangela.

Jakovesko 4:14

Tumen na džanen ni so ka ovel tejsa. Soi tumaro dživdipe? Ovi kratko sar i magla savi sigate ikljola, a onda našalđola.

1. Petar 1:5

Tumen prekali vera injen zaštitime e Devlesere zoralipnaja te priminen o spasenje savoi spremno te mothoj pe ko kraj e vremesoro.

1. Petar 4:2

Adalese o vreme savo ačhilo tumare dživdipnastar ano telo, nakhaven le pali volja e Devlesiri, a na palo ugodiba e manušikane požudenđe.