1. Jovan 2:1 - I Biblija ki Arli romani čhib

¹ Mle čhavoralen, akava pisinava tumenđe te na grešinen. Ali, hem te neko ćerela greh, isi amen Zastupniko koro Dad, e Isuse Hriste, e pravedniko.

Biblija pe romani čhib

¹ Čhavralen mungralen, akava ramov tumenđe te na ćeren bezeh. Ali, te vareko vi ćerel bezeh, si amen zastupniko ko Dad o Del, e Isuse Hristo savo si pravedniko.

E Devleso Lafi ko Gurbetsko dijalekt

¹ Mingre čhavoralen, kava pisiv tumenđe, te ma bi ćerena grehura. A te khoni ćerda grehura, ko Dol isi amen kova savo zastupil amen, o Isus o Hrist, o pravedniko.

1. Jovan 2:1 ပူးပေါင်းရင်းမြစ်များ

Лука 10:22

Mlo Dad sa muklja maje ko vasta. Niko na džanel e Čhave, sem o Dad; hem niko na džanel e Dade, sem o Čhavo hem okola kolenđe o Čhavo mangela te mothoj le.”

Jovano 10:15

ađahar sar so o Dad pendžari man hem sar so me pendžarava e Dade. Me dava mlo dživdipe zako bakre.

Jovano 13:33

Mle čhavoralen, pana hari injum tumencar. Ka roden man, ali, sar so phenđum e jevrejengere vođenđe: ‘Kaj me džava, tumen našti te aven’, ađahar adava hem tumenđe phenava.

Jovano 14:16

A me ka molinav e Dade hem ov ka del tumen avere Zastupniko, te ovel tumencar zauvek:

Jovano 14:6

A o Isus phenđa lese: “Me injum o Drom, o Čačipe hem o Dživdipe. Nijekh na avela koro Dad, sem prekala mande.

Jovano 21:5

O Isus pučlja len: “Amalalen, dolinđen li nešto?” A on phende lese: “Na.”

Jovano 5:14

Palo adava o Isus arakhlja le ko boro e Hramesoro, i phenđa lese: “Eče, sasto injan. Ma grešin više, te na arakhi tut nešto po bišukar.”

Jovano 5:36

A isi man svedočanstvo po baro taro e Jovanesoro – o buća save ćerava. O Dad dinđa man te ćerav len hem on svedočinena adalestar da o Dad bičhalđa man.

Jovano 6:27

Ćeren buti, ali na zako hajba savo nakhela, nego zako hajba savo trajini zako večno dživdipe, a adava ka dav tumen me, o Čhavo e manušesoro, adalese so o Devel o Dad dinđa man vlast zako adava.”

Jovano 8:11

A oj phenđa lese: “Nijekh, gospodarona.” Tegani o Isus phenđa laće: “Ni me na osudinava tut. Dža, hem od akana ma grešin više!”]

Delja 7:52

Isi li proroko kole tumare pradada na progoninde? Mudarde đi hem okolen so angleder vaćerde oto aviba e Pravednikosoro, kole tumen akana izdajinđen hem mudarđen.

Rimljanenđe 5:10

Adalese so, te injamle izmirime e Devleja lesere Čhavesere meribnaja, pana sar injamle lesere neprijatelja, kobor više akana ka ova spasime lesere Čhavesere dživdipnaja, akana kad injam izmirime!

Rimljanenđe 6:15

So te ćera? Te grešina adalese so na injam talo Zakoni, nego tali milost e Devlesiri? Na, nisar!

Rimljanenđe 8:34

Ko ka osudini len? Niko! Adalese so o Hrist Isus kova mulo, hem soi po bitno, kova inele vazdime taro mule bešela ko počasno than oti desno strana e Devlesiri hem molini pe zako amenđe.

Galatenđe 4:19

Mle čhavoralen, palem mukencar bijanava tumen đikote e Hristesoro oblik na dičhola ana tumende.

Efežanenđe 2:18

Prekalo leste hem jekh hem dujta šaj te ava koro Dad ano jekh Duho.

Efežanenđe 4:26

“Kad holjanena, ma grešinen.” Ma muken te perel i rat, a tumen te ačhoven holjame,

1. Timotej 2:5

Adalese so jekhi o Devel hem jekhi kova terđola maškaro Devel hem o manuša – o manuš o Hrist Isus.

1. Timotej 3:14

Iako isi man nada da pana hari i ka avav tute, pisinava će akava

Jakovesko 1:27

Akajai pobožnost savi čisto hem bimeljardi anglo Devel o Dad: te brinini pe zako čhavore bizo dad hem bizi daj hem zako udovice ano lengere patnje hem te na meljari pe e svetoja.

Jakovesko 3:9

Olaja blagoslovinaja e Gospode hem e Dade hem olaja daja armanja e manušen kolai ćerde e Devlese pali slika.

1. Petar 2:22

“Ov kova na grešinđa hem niti jekh hovajba na iklilo lesere mujestar.”

1. Petar 3:18

Adalese so, o Hrist jekhvar zauvek mulo zako grehija – pravedno zako nepravedna – te anel tumen anglo Devel. Mudardoi ano telo, ali ano duhoi irime ano dživdipe.

1. Jovan 3:18

Mle čhavoralen, na mangaja samo lafencar hem čhibjaja, nego ćeribnaja hem čačipnaja.

1. Jovan 3:5

Tumen džanen da o Hrist mothovđa pe te cidel o grehija hem da ano leste nane greh.

1. Jovan 3:7

Mle čhavoralen, ma muken nikas te hovaj tumen. Ko ćerela okova soi pravedno, ovi pravedno sar soi o Hrist pravedno.

1. Jovan 4:4

Mle čhavoralen, tumen injen e Devlestar hem pobedinđen len, adalese so okova kovai ana tumende po baroi okolestar kovai ano sveto.

1. Jovan 5:17

Đijekh nepravdai greh, ali isi greh savo na legari ano meriba.

1. Jovan 5:21

Mle čhavoralen, arakhen tumen e idolendar!

3. Jovan 1:4

Maje nane po bari radost nego kad šunava so mle čhave živinena palo čačipe!