1. Jovan 1:7 - I Biblija ki Arli romani čhib

⁷ Ali, te phiraja ano svetlost, sar soi ov ano svetlost, isi amen zajedništvo jekh avereja, hem o rat lesere Čhavesoro e Isusesoro čistini amen taro đijekh greh.

Biblija pe romani čhib

⁷ Ali, ako trajis ando svetlost, sago kaj si o Del ando svetlost, askal si amen zajedništvo jek averesa thaj o rat e Isusesko, lešće Čhavesko, šilavel men katar svako bezeh.

E Devleso Lafi ko Gurbetsko dijalekt

⁷ Al te phirdam ano svetlost, sar so si o Dol ano svetlost, amen isi katanipe jekh averesa thaj o rat e Isuseso, lese Čhaveso thovol amen tare sa e grehura.

1. Jovan 1:7 ပူးပေါင်းရင်းမြစ်များ

Matej 6:12

hem oprostin amenđe amare grehija sar so hem amen oprostinaja okolenđe kola grešinde premala amende.

Jovano 1:29

Tejsa dive o Jovan dikhlja e Isuse sar avela nakoro leste, i phenđa: “Ače o Bakroro e Devlesoro kova cidela o grehija e svetosere!

Jovano 12:35

A o Isus phenđa lenđe: “O svetlost samo pana hari ka ovel maškar tumende. Phiren sar isi tumen svetlost, te na prelel tumen i tomina. Adalese so, ko phirela ki tomina, na džanel kaj džala.

Jovano 5:4

Rimljanenđe 13:12

I rat nakhela, a o divei paše. Adalese, te frda amendar o delja e tominakere hem te urjava e svetlosiri oprema zako mariba.

Efežanenđe 1:7

Ano Hrist isi amen otkupljenje prekalo lesoro rat, o oprostiba e grehengoro palo barvalipe oti e Devlesiri milost.

Efežanenđe 5:8

Adalese so, angleder injenle tomina, a akana injen svetlost ano Gospod. Živinen sar čhave e svetlosere.

1. Timotej 6:16

Ovi o jekh kova nikad naka merel hem kova bešela ano svetlost kaj niko našti te avel. Ole nijekh manuš na dikhlja, ni šaj te dikhel le. Olese čast hem večno zoralipe. Amen.

Titošće 2:14

Ov dinđa korkoro pes zako amenđe te otkupini amen taro đijekh bezakonje hem te očistini pese e narodo savo pripadini lese, savoi željno te ćerel okova soi šukar.

Jakovesko 1:17

Đijekh šukar daro hem đijekh savršeno poklon avela taro nebo, e Dadestar kova ćerđa sa so svetlini ko nebo, kova na menjini pe sar i senka.

1. Petar 1:19

nego e dragocenone rateja e Hristesere, kova inele sar Bakroro bizi mana hem bizi mrlja.

1. Jovan 1:3

A mothovaja tumenđe adava so dikhljam hem so šunđam, te šaj hem tumen ovel zajedništvo amencar. A amaroi zajedništvo e Dadeja hem lesere Čhaveja, e Isuse Hristeja.

1. Jovan 1:5

A akavai o lafi savo šunđam olestar hem savo tumenđe vaćeraja: O Develi svetlost hem ano leste nane ni hari tomina.

1. Jovan 5:6

Ov, o Isus Hrist, alo prekalo pani hem o rat – na samo prekalo pani nego prekalo pani hem o rat. A o Duhoi adava kova svedočini adalestar, adalese soi o Duho o čačipe.

1. Jovan 5:8

o Duho, o pani hem o rat – hem adala trin dena jekh svedočanstvo.

2. Jovan 1:4

But radujinđum man so maškaro te čhave arakhljum nesaven kola živinena palo čačipe, baš ađahar sar so priminđam i naredba e Dadestar.

3. Jovan 1:4

Maje nane po bari radost nego kad šunava so mle čhave živinena palo čačipe!

Otkrivenje 1:5

hem e Isuse Hristestar, kovai verno svedoko, prvo kova inele vazdime taro mule hem Vladari upreder e phuvjakere carija. Okolese kova mangela amen hem kova oslobodinđa amen ple rateja oto amare grehija,

Otkrivenje 12:11

On pobedinde le e Bakroresere rateja hem e lafencar oto pumaro svedočanstvo. On inele spremna te den pumaro dživdipe hem te meren.

Otkrivenje 7:14

Me phenđum lese: “Adava tu džane, gospodarona.” A ov phenđa: “Adalai okola so ale taro bare nevolje hem e Bakroresere rateja thovde hem parnjarde pumare ogrtačija.