SANTIAGO 5:17 - Nuevo Testamento en Quichua Cañar 1996

¹⁷ Diosmanta ñaupa huillac Eliasca ñucanchic shinallatacmi carca. Pai ama tamiachun nishpa, Diosman mañaracpica, quimsa huata chaupitami mana tamiarca.

Dios Rimashcata Quillcashcami

¹⁷ Diosmanta ñaupa huillac Eliasca ñucanchic shinallatacmi carca. Pai ama tamyachun nishpa, crishpa Diosta mañacpica, quimsa huata chaupitami mana tamyarca.

SANTIAGO 5:17 ပူးပေါင်းရင်းမြစ်များ

SAN LUCAS 4:25

Cai Israel*f** llactapica, ñaupa huillac Elías huillacui punzhacunapica achca viuda huarmicunami tiyarca. Chai huatacunapica, quimsa huata sucta quillata mana tamiacpi, tucui llactacunapimi yarcai tiyarca, chashnami tucurca.

HECHOS 10:26

Chashna cunguricpimi Pedroca: —Shayari. Ñucapish can shina runallatacmi cani— nishpa jatarichirca.

HECHOS 14:15

—¡Uyaichic! ¿Imapactac chashna ruhuashun ninguichic? Ñucanchicca cancuna shina runacunallami canchic. Cancuna cashna yangalla ruhuanata saquishpa, causac Taita Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

ROMANOS 11:2

Taita Diosca callarimanta pachami israelcunataca acllarca. Chaimanta cunanca mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica pai Diosman mañacushpaca israelcunata juchanchishpami cashna nirca:

APOCALIPSIS 11:6

Chai ishcai huillaccunaca paicuna Diosmanta huillacui punzhacuna ama tamiachun jarcac canatapish charincunami. Shinallatac yacucunata yahuarman tigrachic canatapish, allpa pachapi ima tiyashcatapish tucui laya llaquicunahuan paicuna munashca shina llaquichic canatapish charincunami.