SANTIAGO 5:16 - Nuevo Testamento en Quichua Cañar 1996

¹⁶ Chaimanta alliyashca cangapacca, ima mana allita ruhuashcacunatapish caishuc chaishuc ama pacashpa huillanacuichic. Taita Dios alliyachichunpish, caishuc chaishucmanta Diosman mañaichic. Taita Diosman cashcata ruhuac mañacpica, imatapish pactachingallami.

Dios Rimashcata Quillcashcami

¹⁶ Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.

SANTIAGO 5:16 ပူးပေါင်းရင်းမြစ်များ

SAN MATEO 21:22

Taita Dios ima mañashcatapish cuc cashcata crishpa mañashpaca, japinguichicmi— nirca.

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

MARCOS 1:5

Juanpacmanca Jerusalén pueblomantapish, Judea llactamantapish tucuimi pai huillashcata uyangapacca shamuccuna carca. Chai shamuccunataca llaquirishpa, juchacunata huillaccunatami Juanca, Jordán yacupi bautizarca.

SAN LUCAS 9:6

Chashna nicpi yachacuccunaca tucui llactacunata rishpami, alli huillaita huillashpa, ungushcacunata alliyachishpa puricurcacuna.

SAN JUAN 9:31

Diosta mana cazuccuna mañashcata Taita Dios mana uyac cashcataca, allimi yachanchic. Ashtahuanpish maijan paita cazushpa pai munashcata ruhuac mañashcataca uyanmi.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

HECHOS 19:18

Jesusta criccunapish taucacunami shamushpa, paicuna ñaupa imalla mana alli ruhuashcacunamanta llaquirishpa, tucuipac ñaupapi huillarcacuna.

HECHOS 8:24

Chashna nicpi Simonca: —Can nishca shina ama pactachunca, Mandac Diosman ñucamanta mañaichic— nirca.

ROMANOS 3:10

Dios quillcachishcapica: “Cashcata ruhuacca shucllapish mana tiyanchu.

ROMANOS 5:19

Shuc runa mana cazushcamantami, tucui gentecuna juchayuc tucurca. Chai shinallatacmi shuc runa cazushcamantaca, tucui gentecunata Taita Diosca paihuan alli tucuchun chasquinga.

COLOSENSES 1:9

Chaimantami ñucanchicca yachac chayashca punzhamanta pacha, cancunamanta Taita Diosman mañacunchiclla. Dios munashcata cancuna allita ricsichun, paipac Espíritu cancunaman yuyaita cushpa allita yachachichunmi,

1 TESALONICENSES 5:17

Taita Diosman mañanataca ama saquichicchu.

1 TESALONICENSES 5:23

Sumac causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca paipaclla, pi mana juchanchipacta ruhuashpa huacaichichun.

1 TESALONICENSES 5:25

C'uyashca criccuna, ñucanchicmantapish Taita Diosman mañaichic.

HEBREOS 11:4

Crishcamantami Abelpish Cainta atishpa, allicunata Diosman cushpa rupachirca. Chaimantami Taita Diosca Abeltaca cashcata ruhuac nishpa, paiman cushcatapish chasquirca. Abel huañushca cacpipish, pai crishcamantaca cunan punzhacaman huillacuncuna.

HEBREOS 11:7

Crishcamantami Noepish manarac ima tucushcata ricushpa, Dios mandashcata cazushpa, paipac aillu quishpirichun huambuc huasita ruhuarca. Pai crishcamantami, cai pachapi causac millai gentecunatapish llaquiman cacharca. Pai crishcamantami, Diosca paihuan alli tucuchun chasquirca.

HEBREOS 12:13

Shinallatac cancunapac huishtu chaquicuna alliyashpa, ama ashtahuan huishtuyachunca, ñanta allichic shina allita causaichic.

HEBREOS 13:18

Ñucanchicmanta Diosman mañaichic. Imapish alli cachun nishpa allita pushana yuyailla cashpami, pipacpish mana juchanchishca cashcata yachanchic.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

1 JUAN 3:22

Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.