SANTIAGO 5:11 - Nuevo Testamento en Quichua Cañar 1996

¹¹ Chai shina mana p'iñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana p'iñarishpa llaquita apashcatapish, shinallatac q'uipaman Mandac Dios paiman ima allicunata cushcatapish yachanguichicmi. Taita Diosca yallita c'uyac, llaquic Diosmi.

Dios Rimashcata Quillcashcami

¹¹ Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.

SANTIAGO 5:11 ပူးပေါင်းရင်းမြစ်များ

SAN MATEO 10:22

Cancuna ñucata c'aticushcamantaca, tucui gentecunami p'iñangacuna. Shina cacpipish tucuringacaman llaquicunata apaccunami quishpiringa.

SAN LUCAS 1:50

Taita Diosca maijanpish paita manchashpa cazuccunataca llaquicungallami.

SAN LUCAS 11:10

Chashna maijanpish mañacca japinmi. Maijanpish mashcacca tarinmi. Shinallatac maijanpish huasiyuc nictaca yaicuchinmi.

SAN LUCAS 6:36

Chashnallatac cancunapac Taita Dios ima shinami llaquin, chai shinallatac cancunapish shuccunata llaquiccuna caichic.

ROMANOS 2:4

Taita Dios paipac c'uyaillamanta paipacman c'ayashcata mana yuyarishpaca, pai punzhanta llaquicushcatapish, mana p'iñarishpa shuyacushcatapish yangapimi churacungui.

EFESIOS 1:6

Chashnaca Taita Dios mai c'uyashpa, paipac c'uyashca Churimanta allicunata cushcamantami, ¡paitaca alli nicunalla canchic!

EFESIOS 2:4

Shina cacpipish Taita Diosca mai llaquic cashpami, ñucanchictaca yallita c'uyarca.

HEBREOS 10:39

Ñucanchicca mana c'atisha nishpa, llaquita apangapac riccuna shinaca mana canchicchu, ashtahuanpish quishpiringapac Jesusta criccunami canchic.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

SANTIAGO 1:12

Imapish mana alli munaicuna shamucpi, chaita mishacmanca mai cushicuimi canga. Chashna mishacmi Dios paita c'uyaccunaman cusha nishca huiñai causai coronataca japinga.

SANTIAGO 1:2

Ñuca c'uyashca criccuna, cancunata ima llaquicuna japicpipish, cushicuita cuna cashcatami yuyana canguichic.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Taita Dios paipac sumaimana c'uyaimanta ñucanchic japina cashcata japingapac cushicushpa shuyacuichic.

1 PEDRO 3:14

Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata p'iñaccunataca ama manchaichicchu, llaquillapish ama caichicchu.

2 PEDRO 2:9

Chashnami Mandac Diosca paipaclla causaccunataca imapish llaquicunamanta quishpichin. Shinallatac millai gentecunataca pai taripashpa, llaquichina punzhacamanmi llaquichishpa charicun.