SANTIAGO 4:6 - Nuevo Testamento en Quichua Cañar 1996

⁶ Ashtahuanpish Dios mai c'uyac cashcamantami ñucanchictaca ayudacun. Pai quillcachishcapica Taita Diosca: “Jatun tucushcacunataca p'iñanimi. Shina cashpapish mana jatun tucushcacunataca c'uyanimi” ninmi.

Dios Rimashcata Quillcashcami

⁶ Ashtahuanpish Dios mai cuyac cashcamantami ñucanchictaca ayudacun. Dios quillcachishcapica: «Jatun tucushcacunataca piñanimi. Mana jatun tucushcacunataca cuyanimi» ninmi.

SANTIAGO 4:6 ပူးပေါင်းရင်းမြစ်များ

SAN MATEO 13:12

Taita Diosca maijanpish alli yuyaita charicmanca, ashtahuanmi cunga. Chashna cucpica, ashtahuanmi paica charinga. Ashtahuanpish mana charicmantaca, pai ashalla charishcallatapish quichungami.

SAN MATEO 23:12

Maijanpish ‘allimi cani’ nictaca, mana allichu nishcami canga. Shinallatac ‘mana allichu cani’ nictaca, alli nishcami canga.

SAN LUCAS 1:52

Jatun mandaccunataca paicuna mandacushcamanta anchuchishpa, uchilla shina, imapac mana caipaccunatami jahuaman churashca.

SAN LUCAS 14:11

Maijanpish ‘allimi cani’ nictaca, Taita Diosca ‘mana allichu cangui’ ningami. Shinallatac maijanpish ‘mana allichu cani’ nictaca, Taita Diosca ‘allimi cangui’ ningami” nirca.

SAN LUCAS 18:14

Cancunaman huillanimi: Fariseopac randica, impuestota japic runaracmi juchacunata Taita Dios perdonashca paipac huasimanca cutimurca. Maijanpish ‘allimi cani’ nictaca, mana allichu nishcami canga. Shinallatac maijanpish ‘mana allichu cani’ nictaca, alli nishcami canga” nirca.

SANTIAGO 4:10

Apunchic Jesuspac ñaupapica, ama jatun tucuichicchu. Chashna mana jatun tucucpimi, paica “jatunmi canguichic” ninga.

1 PEDRO 5:5

Chai shinallatac q'uipa huiñaicunapish, pushaccuna ima nishcata cazuichic. Tucuimi mana jatun tucushpa, caishuc chaishuchuan cazunacuna canguichic. Pai quillcachishcapica Taita Diosca: “Jatun tucushcacunataca p'iñanimi. Cutin mana jatun tucushcacunataca c'uyanimi” ninmi.