SANTIAGO 4:11 - Nuevo Testamento en Quichua Cañar 1996

¹¹ C'uyashca criccuna, caishuc chaishuc imapish mana allitaca ama huashalla rimanacuichicchu. Maijanpish shuc cricta mana allichu nishpa rimashpa, mana cashpaca juchanchishpaca, Dios mandashcata mana cazushpami mana alli nishpa juchanchin. Mandashcata mana allichu nishpa mana cazushpaca, juez shinami tucungui.

Dios Rimashcata Quillcashcami

¹¹ Cuyashca criccuna, ama caishuc chaishuc huashalla rimanacuichicchu. Maijanpish shuc huauquita mana allichu nishpa rimashpa, mana cashpaca juchanchishpaca, Dios mandashcatami mana alli nishpa juchanchin. Mandashcata mana allichu nishpa juchanchishpaca mana cazushpami, juez shina tucungui.

SANTIAGO 4:11 ပူးပေါင်းရင်းမြစ်များ

SAN LUCAS 6:37

Ama shuccunata mana alli nishpa juchanchichicchu. Shina mana juchanchicpimi, Taita Diospish cancunataca mana juchanchinga. Pitapish llaquiman cachangapacca ama juchanchichicchu. Shina mana juchanchicpimi, Taita Diospish cancunataca juchanchishpa, jatun llaquiman mana cachanga. Imatapish mana allita ruhuashcataca perdonanami canguichic. Chashna ruhuacpimi, Taita Diospish cancunapac juchacunataca perdonanga.

ROMANOS 2:1

Chaimanta can cashpapish, pi cashpapish shuccunata juchanchishpaca, mana perdonashcachu cangui. Shinallatac shuccunata juchanchishpaca, canllatacmi llaquichingapac nishca cangui. Canpish paicuna shinallatacmi ruhuacungui.

ROMANOS 2:13

Mandashcacunata uyashcallamantaca pipish Taita Dioshuanca mana alli tucunchu, ashtahuanpish chai mandashcacunapi ima nishcata cazushpami Taita Dioshuanca alli tucun.

ROMANOS 7:7

Shina cacpica, ¿imatatac nishun? ¿Moisés mandashcacunaca juchami nishunchu? ¡Mana chashnachu yuyana canchic! Shina cacpipish, mandashcacuna mana tiyacpica, ñucaca imami jucha cashcataca mana yachaimanchu carcani. Mandashcacunapi “shucpac charishcata ama munangui” mana nicucpica, shucpac charishcata munanaca jucha cashcataca mana yachaimanchu carcani.

1 CORINTIOS 4:5

Shinashpaca maijanta juchanchina cacpipish, Apunchic Jesús cutimungacaman amarac imata juchanchinguichicchu. Paimi amsapi imalla pacashcacunatapish, shungu imata yuyashcatapish punzhapi shina tucui ricuchinga. Shina cacpimi, Taita Diosca quiquin imata ruhuashcata ricushpa alli ninga.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna ch'icanyarinacushpa, shuccuna ama charichun nishpa munanacushpa, p'iñanacushpa, quiquinlla alli canata munanacushpa, huashalla parlanacushpa, c'aminacushpa, jatun tucushpa shinallatac maipish cachun causashpa puricuctami manchani.

EFESIOS 4:31

Chaimanta shungu ucullapi p'iñashca canata, imapish llaquichinata, pitapish p'iñanata, c'amishpa rimanata, rimashpa caparinata, shinallatac tucui mana allicunataca saquichic.

1 TIMOTEO 3:11

Shinallatac huarmicunapish tucuipac alli nishca, pihuanpish mana huashalla parlaric, alli yuyaita charic, imapipish allita ruhuaccunami cana can.

2 TIMOTEO 3:3

Shinallatac c'uyaitapish mana charishpami, mana llaquingacuna. Quiquinllatac mana jarcaric cashpami, imatapish parlaric cangacuna. Llaquichinallata munashpami, imapish allicunataca p'iñangacuna.

TITO 2:3

Shinallatac ñaupa huiñai huarmicunataca criccuna ima shinami causana shinallatac causashpa, mana huashalla parlaric, mana machac, ashtahuanpish allita yachachishpa causachun yachachingui.

SANTIAGO 1:16

Ñuca c'uyashca criccuna, ama pandarichicchu.

SANTIAGO 1:19

Ñuca c'uyashca criccuna, imapish uyanallataca alli uyaichic. Shinallatac rimaringapacpish, p'iñaringapacpish jarcariccuna caichic. Chaitaca alli yuyarichic.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

SANTIAGO 2:8

Tucuimanta yalli mandashcata pactachishpaca, allitami ruhuanguichic. Dios quillcachishcapica: “Can quiquinllatac ima shinami c'uyaringui, chai shinallatac shuccunatapish c'uyangui” ninmi.

SANTIAGO 5:10

C'uyashca criccuna, Diosmanta ñaupa huillaccuna Dios ima nishcata huillashpa, alli shunguhuan mana p'iñarishpa llaquita apashcata yuyarishpa, chai shina ruhuaichic.

SANTIAGO 5:7

C'uyashca criccuna, japina yuyaihuan Apunchic Jesús cutimungacaman shuyaichiclla. Allpapi tarpuc runaca sumac granota tandangapacca, japina yuyaihuanmi tamia punzha chayangacaman shuyacunlla.

SANTIAGO 5:9

C'uyashca criccuna, mana juchanchishca cangapacca, ama caishuc chaishuc imatapish juchanchinacuichicchu. Taripacca ña pungullapimi.

1 PEDRO 2:1

Shina cashcamanta tucui laya millaicunatapish, llullashpa crichinatapish, shuccuna ama charichun munanatapish, mishqui shimi canatapish, shinallatac tucui laya mana allita parlanacunatapish saquichic.