SANTIAGO 3:17 - Nuevo Testamento en Quichua Cañar 1996

¹⁷ Ashtahuanpish Dios cushca yuyaita chariccunaca, puntaca chuya shungu causanatami munancuna, shinallatac sumactami causancuna. Paicunaca alli shungucunami, imamantapish mana p'iñariccunachu, llaquiccunami, pimanpish mana tucuccunachu, imatapish mana huashalla rimaccunachu.

Dios Rimashcata Quillcashcami

¹⁷ Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

SANTIAGO 3:17 ပူးပေါင်းရင်းမြစ်များ

SAN MATEO 23:28

Chashna cashpami, gentecunapac ricuipica cashcata ruhuaccuna shina ricuringuichic, ashtahuanpish ucu shungupica llullana yuyai, imapish shuctac mana alli mapa yuyaicuna junda canguichic.

SAN MATEO 5:8

Taita Dios yuyailla causanata munashpa, chuya shungu canata munaccuna, ¡cushicuichic! Cancunami Taita Diostaca ricunguichic.

SAN MATEO 5:9

P'iñanacushcata allichiccuna, ¡cushicuichic! Cancunatami Taita Diosca: ‘Ñuca huahuacunami canguichic’ ninga.

SAN LUCAS 21:15

Ñucallatacmi cancunamanca imata rimana alli yuyaicunata cusha. Chashna allita rimacpica, cancunata p'iñaccunaca mana imata ni pudishpa, upalla saquiringacunallami.

SAN LUCAS 6:36

Chashnallatac cancunapac Taita Dios ima shinami llaquin, chai shinallatac cancunapish shuccunata llaquiccuna caichic.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 1:47

Jesusca Natanael paipacman cuchuyacta ricushpaca: —Caipimi Israel*f** runatac shamun. Paica jaicapi manatac llullanchu— nirca.

HECHOS 11:24

Bernabeca alli runa, alli cric, Diospac Espíritu paipac shungupi junda cacpimi, pai huillacpica achca gentecuna Apunchic Jesusta crircacuna.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.

ROMANOS 12:18

Cancuna pudishcacamanca tucuihuan alli apanacushpa causanata yuyaichic.

ROMANOS 12:9

Mana nic tucushpalla caishuc chaishuchuan c'uyanacuichic. Imapish mana alli ruhuanacunata saquishpa, allita ruhuana yuyailla caichic.

ROMANOS 15:14

Ñuca c'uyashca criccuna, cancunaca yallita c'uyac shungu cashcata, tucuita alli yachac cashcata, shinallatac caishuc chaishucta cunac cashcatami yachani.

1 CORINTIOS 12:8

Taita Dios paipac Espirituta cushpami, maijancunataca alli yuyaihuan rimachin. Cutin maijancunamanca chai Espiritullatacmi alli yachaicunata cun.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa imatapish rimaricllashi cani nicucpipish, Cristo llaquishpa c'uyashcamantami cashna nishpa mañani:

2 CORINTIOS 6:6

Shinallatac pi mana juchanchipac, alli causac, imapish cashcata alli yachac, mana p'iñaric, llaquiccunami canchic. Diospac Espíritu ñucanchic shungupi cashcamantami, chuya shunguhuan c'uyaccuna cashcatapish ricuchinchic.

2 CORINTIOS 7:11

Cancuna Dios munashca shina llaquirishcamantaca, imata tucushcataca yuyarichic. Chashna llaquirishcamantami ima shina cashcata yuyarishpa, allichirishpa, yuyaita japircanguichic. Shinallatac p'iñarishpapish, manchana yuyaitami japircanguichic. Chai q'uipaca ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

2 CORINTIOS 9:10

Muyutapish tarpuchun cuc, micunatapish carac Taita Diosllatacmi cancunamanca muyuta tarpuc shina, shuccunaman cuchunpish ima illashcataca cunga. Shinallatac cancuna tucui shunguhuan shuccunaman carashcamantaca, muyuta huiñachishpa, alli granota cuc shinami, Taita Diosca allicunata cunga.

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

FILIPENSES 1:11

Cancuna Jesucristollamanta alli grano p'ucuc shina allita ruhuacpimi, Taita Diostaca “allimari cangui, sumacmari cangui” ningacuna.

FILIPENSES 4:8

C'uyashca criccuna, cunanca ña caillatami nisha nini: Tucui imapipish mana llullac canata, shuccuna alli nishca canata, tucui imatapish allita ruhuac canata, tucui imapipish mapa illac canata, pimanpish c'uyaita ricuchic canata, shinallatac tucuipac alli nishca canatapish yuyaichic. Chai shina yuyaicuna tiyacpica, chaillata yuyashpa c'atichic. Tucui imapipish alli nishca canallata yuyaichic.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

1 TESALONICENSES 2:7

Ñucanchicca Jesús acllashca huillaccuna cashcamantaca, cancunataca mandanchicmanllami carcanchic. Shina cashpapish huahuacuna shinami, cancunahuanca tucurcanchic. Ima shinami shuc mama quiquin huahuacunata cuidashpa huiñachic shinami, cancunataca yallita c'uyanchic.

1 TIMOTEO 5:21

Taita Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.

2 TIMOTEO 2:24

Maijanpish Apunchic Jesusta servicca mana pihuanpish p'iñanacushpachu purina, ashtahuanpish tucuihuan apanacucmi cana can. Shinallatac mana p'iñaricpish, alli yachachicpish canami can.

TITO 1:15

Cashcata nic huillashcata criccunapacca, tucuimi alli. Shina cacpipish cashcata nic huillashcata mana crishpa millaita ruhuaccunapacca, imapish mana allichu. Paicunapac yuyaipish, paicunapac yuyashca shina imata ruhuashcapish mana allichu.

TITO 3:2

Pitapish mana allichu nishpa ama rimachun, pihuanpish mana p'iñanacushpa, caishuc chaishuchuan apanacushpa, alli shungu cachun yachachingui.

HEBREOS 12:11

Pipish llaquichicpi chai llaquichishcaca mana cushichinchu, ashtahuanpish nanachinmi. Shina cacpipish chai llaquicunata apanata ña yachacushpaca, cashcata ruhuashpa, sumacta causanatami yachachin.

HEBREOS 12:14

Diospaclla mana causashpaca, pipish Apunchic Jesustaca mana ricungachu. Chaimanta Diospaclla causashpa, tucui mashnahuan apanacushpa, alli causanata munaichic.

SANTIAGO 1:17

Jahua pachapi imalla tiyashcatapish ruhuac Diosmantami, ima allita ruhuana yuyaipish, cashcata ruhuana yuyaipish shamun. Diosca huiñai huiñaicamanmi Paillatac can. Paica mana shuctacyashpa, huiñaitami achicyachicungalla.

SANTIAGO 1:5

Cancunapuramanta maijanpish yachaita mana charishpaca, Diosman mañaichic, paica cungallami. Diosca pimanpish mana misarishpami, tucui mañaccunamanca achcata cunga.

SANTIAGO 2:13

Shuccunata mana llaquiccunataca, paicunatapish mana llaquishpami, Taita Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

SANTIAGO 2:4

Chai shina cancunapurallatac “caica allimi, chaica mana allichu” nishpa ch'icanyachishpaca, mana alli yuyaicunahuanmi ruhuacunguichic.

SANTIAGO 3:15

Chai shina yachac tucushca canataca Diosca mana cunchu, ashtahuanpish chai yuyaica cai pacha gentecuna yuyashcallami. Chai yuyaitaca diablollatacmi cun.

SANTIAGO 4:8

Taita Diosman cuchuyaichic, paipish cancunapacman cuchuyangallami. Mana allita ruhuashpa juchalliccunaca, maquita jahuac shina chaita ruhuanata saquichic. Taita Diostapish, cai pachapaclla caccunatapish c'uyasha niccunaca, shunguta allichichic.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

1 PEDRO 2:1

Shina cashcamanta tucui laya millaicunatapish, llullashpa crichinatapish, shuccuna ama charichun munanatapish, mishqui shimi canatapish, shinallatac tucui laya mana allita parlanacunatapish saquichic.

1 PEDRO 2:18

Serviccunaca, cancunapac amocunata tucui imapipish cazuichic. Ama c'uyac, llaquic amocunallata cazuichicchu, ashtahuanpish mana alli amocunatapish cazunami canguichic.

1 JUAN 3:18

Ñuca c'uyashca huahuacuna, ama shimillahuan “c'uyanimi” nishunchic, ashtahuanpish imatapish ruhuashpatac c'uyashcata ricuchishunchic.

1 JUAN 3:3

Chashna cashcamanta maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchuricun.