SANTIAGO 2:9 - Nuevo Testamento en Quichua Cañar 1996

⁹ Ashtahuanpish “caica allimi, chaica mana allichu” nishpaca, cancunallatacmi juchallinguichic. Shinallatac Dios mandashcata mana cazushcamantaca, juchanchishcami cana canguichic.

Dios Rimashcata Quillcashcami

⁹ Ashtahuanpish shucllata allipi llucchishpa chicanyachishpaca cancunallatacmi juchallinguichic. Dios mandashcata mana cazushcamantaca, juchanchishcami canguichic.

SANTIAGO 2:9 ပူးပေါင်းရင်းမြစ်များ

SAN JUAN 16:8

Pai shamushpami, cai pachapi causaccunamanca imami jucha cashcatapish, mana jucha cashcatapish, shinallatac Dios ima shina taripana cashcatapish ricuchinga.

SAN JUAN 8:46

¿Cancunapuramanta maijantac ñuca juchayuc cashcataca ricuchinguichic? Diosmantatac ñuca huillacpica, ¿ima nishpatac mana cringuichic?

SAN JUAN 8:9

Chaita uyashpaca, shucllancaman shucllancamanmi, yuyaccunamanta pacha callarishpa llucshishpa rircacunalla. Shina chai huarmita apamuc runacuna tucui ricpica, huarmillami Jesushuanca saquirirca.

HECHOS 10:34

Chaimantami Pedro huillai callarishpaca: —Pi cashpapish Taita Diospac ñaupapica: ‘Caica allimi, chaica mana allichu’ ninaca mana alli cashcataca, cunanmi alli yachani.

ROMANOS 3:20

Taita Diosca mandashcacunata pactachishcallamantaca pitapish paihuan alli tucuchunca mana chasquingachu. Chai mandashcacunaca ñucanchic juchayuccuna cashcata ricuchingapacllami can.

1 CORINTIOS 14:24

Ashtahuanpish tucui mashna Dios ima nishcata huillacucpi, shuc manarac yachac, mana cashpaca manarac cric yaicushpaca, paillatacmi tucui ima nicushcata uyashpa, “juchayucmi cashcani” nishpa yuyaringa.

GÁLATAS 2:19

Moisés mandashcacunallatacmi Diospacta ruhuashpa causachun, chai mandashcacunata pactachishpa causanamantaca anchuchirca. Chaimantami Moisés mandashcacunata pactachingapacca, huañushca shina cani.

1 JUAN 3:4

Juchata ruhuanaca Diosta mana cazunami. Chaimantami maijanpish juchata ruhuacca Diosta mana cazun.

SAN JUDAS 1:15

Chashna shamushpaca, tucui mana allita ruhuaccunata taripashpa, paicuna mana allita ruhuashcamanta, shinallatac paicuna Diosta p'iñachishpa, millai rimaicunata rimashpalla causashcamantami, taripashpa llaquichingapac shamurca” nishcami.