SANTIAGO 2:23 - Nuevo Testamento en Quichua Cañar 1996

²³ Chashnami Dios quillcachishcaca pactarca. Chaipica: “Abrahamca Taita Diosta crircami. Chashna crishcamantami Taita Diosca paihuan alli tucuchun chasquirca” ninmi. Chaimantami Abrahamtaca Taita Diosca “ñucahuan apanacucmi cangui” nirca.

Dios Rimashcata Quillcashcami

²³ Chashnami Dios quillcachishcapi: «Abrahamca Diosta crircami. Chashna crishcamantami Diosca paihuan alli tucuchun chasquirca» ninmi. Chaimantami Abrahamtaca Diosca «ñucahuan apanacucmi cangui» nishca pactarca.

SANTIAGO 2:23 ပူးပေါင်းရင်းမြစ်များ

MARCOS 12:10

Cancunaca Dios quillcachishcapi cashna nishcataca, ¿manachu ricushcanguichic? Chaipica: ‘Huasita ruhuaccuna mana nishca shitashca rumillatacmi, huasita ruhuangapac callaripi churana, tucuimanta yalli alli rumi tucushca.

MARCOS 15:27

Ishcai huañuchic shuhua runacunatapish, shuctaca alli maquiman, shuctaca lluqui maquiman Jesushuan pactami chacatarcacuna.

SAN LUCAS 4:21

Chashna ricuracucpimi Jesusca: —Cunan punzhallatacmi, cancuna uyashca quillca pactashcataca ricucunguichic— nirca.

HECHOS 1:16

“Caipi tandanacushca tucui criccuna. Jesusta Judas japichina cashcataca, ñaupamanmi Diospac Espíritu yuyaita cushpa, Davidman quillcachishca. Chaica pactanami carca.

ROMANOS 11:2

Taita Diosca callarimanta pachami israelcunataca acllarca. Chaimanta cunanca mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica pai Diosman mañacushpaca israelcunata juchanchishpami cashna nirca:

ROMANOS 9:17

Dios quillcachishcapica Egipto llactata jatun mandacman Dios rimashpaca: “Can imalla tucushcata ricushpa ñuca imatapish ruhuaclla cashcata yachachun, shinallatac tucui llactacunapi causaccuna ñucata ricsichunmi, cantaca mandac cachun churarcani” nishcami.

GÁLATAS 3:22

Ashtahuanpish Dios quillcachishcapi nishca shinaca, maijanpish Jesucristota crishcallamanta Dios cusha nishcata japichunmi, juchaca tucui gentecunata huatashca shina charicun.

GÁLATAS 3:6

Ñaupa taita Abrahamca Taita Diostami crirca. Chaimantami Taita Diosca paihuan alli tucuchun chasquirca.

2 TIMOTEO 3:16

Dios quillcachishcaca tucuimi Diosllatac yuyaita cushpa quillcachishca. Chaimantami yachachingapacpish, mana alli ruhuaccunata rimangapacpish, cunangapacpish, shinallatac cashcata ruhuashpa causanata yachachingapacpish alli.

SANTIAGO 2:24

Taita Diosca “cricmi cani” nicllapica mana chasquinchu, ashtahuanpish allita ruhuashcamantami chasquin. Chaitaca ña ricunguichicmi.

1 PEDRO 2:6

Shina cashcamantami Dios quillcachishcapica: “Tucuimanta yalli huasita callaringapac acllashca, mai valishca Rumitami Sión*f** pueblopi churani. Maijanpish chai Rumipi shunguta churacca, mana pingaichishcachu canga” ninmi.