SANTIAGO 2:21 - Nuevo Testamento en Quichua Cañar 1996

²¹ Ñucanchic ñaupa taita Abrahamtaca, paipac churi Isaacta huañuchingapac Diosman cushcamantami, Taita Diosca “cashcata ruhuacmi” nishpa chasquirca.

Dios Rimashcata Quillcashcami

²¹ Ñucanchic ñaupa taita Abrahamtaca, paipac churi Isaacta huañuchingapac Diosman cushcamantami, Diosca cashcata ruhuacmi nishpa chasquirca.

SANTIAGO 2:21 ပူးပေါင်းရင်းမြစ်များ

SAN MATEO 12:37

Chashna cashcamanta Taita Diospac ñaupapica, cambac rimashcahuanmi alli nishca cangui. Mana cashpaca cambac rimashcallahuantacmi, llaquiman cachangapac juchanchishcapish cangui— nirca.

SAN MATEO 3:9

‘Ñucanchicca, ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacuichicchu. Ashtahuanpish ñucaca ninimi: Taita Diosca cai rumicunatapish Abrahampac huahua huahuacunata ruhuasha nishpaca, ruhuanmanllami.

SAN LUCAS 1:73

Pai Diosllatacmi ñucanchic ñaupa taita Abrahammanca: ‘Cai mana llullashpa ari nishcataca pactachicushallami’ nishca carca.

SAN LUCAS 16:24

Chaimantami: ‘¡Taita Abrahamlla, ñucata llaquiyari! Ñucaca cai ninapi ima mundo llaqui nanaitami apacuni. Chaimanta Lazarota cachashpa cui, paipac dedota yacupi satishpa, ñuca c'allullatapish chiriyachichun’ nishpa caparirca.

SAN LUCAS 16:30

Chashna nicpi chai chayuc runaca: ‘Ari, Taita Abrahamlla. Chaicunata uyashpapish mana cazungacunachu, ashtahuanpish huañushcacunapuramanta maijan causarishpa paicunapacman ricpimi, juchayuc cashcamanta llaquirishpa Taita Diosman cutiringacuna’ nirca.

SAN JUAN 8:39

Shina nicpi paicunaca: —Ñucanchic taitaca Abrahammi— nircacuna. Shina nicpi, Jesusca cashnami nirca: —Cancuna Abrahampac huahuacunatac cashpaca, Abraham ruhuashca shinallatacmi ruhuanguichicman.

SAN JUAN 8:53

¿Canca ñucanchic taita Abrahamta yallichari canguiyari? Paipish, Diosmanta ñaupa huillaccunapish huañurcami. Canca, ¿imata yuyashpatac chashnaca nicunguiyari?— nircacuna.

HECHOS 7:2

Chashna tapucpi Estebanca: —Caipi tandanacushca tucui Israel*f** huauquicuna, taitacuna, ñuca rimashcata uyaichic. Sumac Taita Diosca ñucanchic ñaupa taita Abrahammanca, manarac Harán pueblopi causangapac ricpimi, Mesopotamia llactapi ricurirca.

ROMANOS 3:20

Taita Diosca mandashcacunata pactachishcallamantaca pitapish paihuan alli tucuchunca mana chasquingachu. Chai mandashcacunaca ñucanchic juchayuccuna cashcata ricuchingapacllami can.

ROMANOS 4:1

Shina cacpica, ñucanchic ñaupa taita Abrahammantaca, ¿imatatac nishun? ¿Paica imatatac japishca canga?

ROMANOS 4:12

Abrahamca circuncisionta ruhuashcacunapacpish taitami. Mana circuncisionta paicuna ruhuashcallamantachu, ashtahuanpish Abraham manarac circuncisionta ruhuashpa, pai crishpa ima shina causacushcata yuyarishpa c'aticushcamantami paicunapac taita.

ROMANOS 4:16

Abraham crishcamantami, paipac huahua huahuacunamanca Taita Dios cusha nishca pai c'uyashcallamanta cushca cachun, chashnaca nishca. Dios cushami nishcaca mana mandashcacunata cazuccunallamanchu, ashtahuanpish Abraham shina tucui criccunamanpish canmi. Chashna cacpimi, Abrahamca tucui ñucanchicpac taita shina tucushca.

HEBREOS 11:17

Abrahampish crishcamantami, Taita Dios ima shina cric cashcata ricusha nicpi, paipac shuclla churi Isaacta Diosman cushpa, huañuchingapac aparca. Taita Dios “Isaacmantami huahua huahuacunata charingui” nishca jahuapish, Abrahamca paipac churitaca Diosman cunatami munarca.

SANTIAGO 2:18

Ashtahuanpish maijanca: “Canca cricmi cangui, cutin ñucaca allicunata ruhuacmi cani” ningachari. Chashna nictaca: “Ima allita mana ruhuashpaca, can crishcata ricuchinguichari” ninimi. Cutin ñucaca imatapish allita ruhuashpaca, cric cashcatami ricuchisha.

SANTIAGO 2:24

Taita Diosca “cricmi cani” nicllapica mana chasquinchu, ashtahuanpish allita ruhuashcamantami chasquin. Chaitaca ña ricunguichicmi.