SANTIAGO 1:3 - Nuevo Testamento en Quichua Cañar 1996

³ Cancuna cric cashcamanta ima llaqui japicpica, mana p'iñarishpa, alli shunguhuan llaquicunata apana cashcatami yachacunguichic. Chaitaca ña yachanguichicmi.

Dios Rimashcata Quillcashcami

³ Cancuna cric cashcamanta ima llaqui japicpica, mana piñarishpa, alli shunguhuan llaquicunata apana cashcataca cancunallatacmi yachanguichic.

SANTIAGO 1:3 ပူးပေါင်းရင်းမြစ်များ

SAN LUCAS 21:19

Chashna llaquichicucpipish, tucui shunguhuan c'atirashpami quishpiringuichic.

ROMANOS 15:4

Alli shungu canatapish, cushi canatapish yachachishpami, Dios quillcachishcacunaca japina cashcata shuyachun ñucanchicman yachachicun.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

ROMANOS 8:25

Ashtahuanpish manarac ricushcata shuyacushpaca, llaquita apashpapish ricuna yuyaillami shuyacunchic.

ROMANOS 8:28

Taita Diosca paita c'uyaccunataca tucui ima ruhuanapipish allitami pushan. Chaicunaca pai munashcata ruhuangapac acllashcacunami.

2 CORINTIOS 4:17

Cai causaipica ashacamanllami llaquita apacunchic. Chaica tucuringami. Ashtahuanpish chai llaquicunaca tucuimanta yalli huiñai causaiyuctami ruhuacun.

COLOSENSES 1:11

Taita Dios paipac sumaimana imatapish ruhuaclla cashcahuan cancunata sinchiyachichunmi, paiman mañacunchic. Shina cacpimi, cancunaca ima llaquita apashpapish ama p'iñarishpa,

2 TESALONICENSES 1:4

Cancunata llaquichicucpipish, p'iñacucpipish alli crishpa, sinchita c'aticushcataca, tandanacushca criccunamanca cushicushpami parlanchic.

2 TESALONICENSES 3:5

Dios c'uyac shina cancunapish c'uyac cachun, shinallatac Cristo shina c'uyac shunguhuan llaquita apac cachunmi, Apunchic Jesusmanca mañanchic.

HEBREOS 10:36

Cancunaca mana p'iñarishpa, c'uyac shunguhuan llaquita apashpami, Diospac munaitaca pactachina canguichic. Chashna pactachishpami, pai cusha nicushcataca chasquinguichic.

HEBREOS 12:1

Shina cashcamanta ñucanchic muyundicpi Diosta alli crishcata ricuchiccuna p'uyu shina achcacuna tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcamanca mana shaicushpa rishunchiclla.

HEBREOS 6:12

Q'uillacuna tucuchunca mana munanchicchu, ashtahuanpish crishcamanta mana p'iñaric, alli shunguhuan Dios cusha nishcata japiccuna cachunmi munanchic.

1 PEDRO 1:7

Cancuna crishcaca curi shinami. Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.

2 PEDRO 1:6

Ña allita entendishpaca, quiquinllatac jarcarinami canguichic. Quiquinllatac jarcaric cashpaca, mana shaicushpa c'aticcunami cana canguichic. Mana shaicushpa c'aticcuna cashpaca, Diosta alli yuyariccunami cana canguichic.