SANTIAGO 1:12 - Nuevo Testamento en Quichua Cañar 1996

¹² Imapish mana alli munaicuna shamucpi, chaita mishacmanca mai cushicuimi canga. Chashna mishacmi Dios paita c'uyaccunaman cusha nishca huiñai causai coronataca japinga.

Dios Rimashcata Quillcashcami

¹² Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SANTIAGO 1:12 ပူးပေါင်းရင်းမြစ်များ

SAN MATEO 10:22

Cancuna ñucata c'aticushcamantaca, tucui gentecunami p'iñangacuna. Shina cacpipish tucuringacaman llaquicunata apaccunami quishpiringa.

SAN MATEO 25:34

Ñuca alli maqui ladoman caccunataca: ‘Ñuca Taita alli nishcacuna, ñucahuan pacta mandangapac shamuichic, japinguichic. Cai mandanataca Diosmi cai pachata ruhuashca punzhamanta pacha, cancunaman cungapac allichishpa charicushca.

SAN LUCAS 6:22

Runa Tucungapac shamushca*f** ñucata c'aticushcamanta pipish p'iñacpi, llucchishpa cachacpi, c'amicpi, ima millaita rimacpipish, ¡cushicuichic!

ROMANOS 5:4

Chashna alli crina yuyaita charishpami, alli nishca cashun. Chai shina alli nishca cashpami, cushicuihuan shuyacushun.

ROMANOS 8:28

Taita Diosca paita c'uyaccunataca tucui ima ruhuanapipish allitami pushan. Chaicunaca pai munashcata ruhuangapac acllashcacunami.

1 CORINTIOS 2:9

Ashtahuanpish Dios quillcachishcapica: “Imapish mana ricushcata, mana uyashcata shinallatac jaicapi mana yuyashcatami, paita c'uyaccunamanca Taita Diosca cusha nicun” ninmi.

1 CORINTIOS 8:3

Ashtahuanpish Taita Diosta maijanpish c'uyacca, Taita Diospac ricsishcami can.

1 CORINTIOS 9:25

Callpangapac allichiriccunaca chingariclla coronata japingapacmi, ima mana allimanta huacaichirishpa, allita allichirincuna. Ñucanchiccarin mana chingaric coronata japingapacmi, chashna allichiric shina causacunchic.

2 TIMOTEO 2:15

Diospac ñaupapi alli ricuringapacca, shuc alli servic runa shina imatapish allita ruhuana yuyailla caiyari. Chashna allita ruhuashpami imamanta mana pingaichishca cangui, shinallatac alli huillaitaca allita yachachingui.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Taita Diosca charicun. Chaitaca cashcata ruhuashpa taripac Apunchic Jesucristomi, taripana punzhapica cunga. Mana ñucallamanchu cunga, ashtahuanpish tucui pai cutimuna punzhata c'uyaihuan shuyaccunamanpish cungami.

HEBREOS 10:32

Ñaupa punzhacunapi Dios yuyaita cucpi, jatun llaquicunata macanacuc shina apashcata cancunallatac yachanguichicmi.

HEBREOS 11:17

Abrahampish crishcamantami, Taita Dios ima shina cric cashcata ricusha nicpi, paipac shuclla churi Isaacta Diosman cushpa, huañuchingapac aparca. Taita Dios “Isaacmantami huahua huahuacunata charingui” nishca jahuapish, Abrahamca paipac churitaca Diosman cunatami munarca.

HEBREOS 12:5

Quiquin huahuata shina, Taita Dios cunacushcataca ñamari cungarishcanguichic. Dios quillcachishcapica: “¡Ñuca huahualla! Ima mana allita ruhuashcamanta Taita Dios ima shinapish llaquichicpica, ama ‘mana uyasha’ nichu, shinallatac ña ama ‘mana c'atisha’ nichu.

HEBREOS 6:15

Abrahamca mana p'iñarishpa, alli shunguhuan shuyacushpallami, Taita Dios cushami nishcataca chasquirca.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.

SANTIAGO 5:11

Chai shina mana p'iñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana p'iñarishpa llaquita apashcatapish, shinallatac q'uipaman Mandac Dios paiman ima allicunata cushcatapish yachanguichicmi. Taita Diosca yallita c'uyac, llaquic Diosmi.

1 PEDRO 3:14

Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata p'iñaccunataca ama manchaichicchu, llaquillapish ama caichicchu.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota c'aticushcamanta c'amishpa rimacpica, cancunamanca mai cushicuimi canga.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

1 JUAN 4:19

Taita Diosrac c'uyashcamantami ñucanchicpish paitaca c'uyanchic.

APOCALIPSIS 2:10

Cancunataca llaquicuna japigricunmi. Shina cacpipish ama manchanguichicchu. Chashnaca ‘¿crishpa c'atinchu, imami?’ nishpami, maijan cancunataca diabloca carcelpi churachinga. Chaipica chunga punzhatami llaquita apanguichic. Shina cacpipish huañungacaman ñucata c'atinguichiclla. Chashna c'aticpimi, huiñai causaita ricuchic coronata cusha.

APOCALIPSIS 3:19

Ñucaca tucui c'uyashcacunatami rimanipish, llaquichinipish. Chaimanta cancuna juchayuc cashcamanta llaquirishpa Diosman cutirishpa, shuc shungulla caichic.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishaccunamanca ñucahuan mandachun ñuca mandashpa tiyarinapi ñucahuan tiyarichun cusha.