ROMANOS 9:21 - Nuevo Testamento en Quichua Cañar 1996

²¹ Mangata ruhuacmi allpamanta imatapish pai munashca shina ruhuanata pudin. Chai allpallamantatacmi shuc mangataca allipac ruhuan, cutin shuctacca imatapish churangapac ruhuan.

Dios Rimashcata Quillcashcami

²¹ Mangata ruhuacca allpamanta pai munashcatami ruhuai pudin. Chai allpallamantatacmi yanga mangatapish, alli mangatapish ruhuan.

ROMANOS 9:21 ပူးပေါင်းရင်းမြစ်များ

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

ROMANOS 9:11

Paicuna manarac huacharicpi allita, mana allita manarac ruhuacpimi, Taita Diosca Rebecamanca: “Punta churimi q'uipa churita servic canga” nishcami. Dios quillcachishcapipish: “Jacobotami c'uyarcani, Esautaca p'iñarcanimi” ninmi. Chashnami Taita Diosca pai munashca shinata ruhuashpa, paicuna ima ruhuashcatapish mana yuyarishpa, pai acllasha nishcacunallata acllac cashcata ricuchin.

ROMANOS 9:18

Shina cashcamantami Taita Diosca maijantami pai llaquisha nishpaca llaquinlla, shinallatac shunguta sinchiyachisha nishpaca sinchiyachinlla.

ROMANOS 9:20

¿Canca pi cashpatac Taita Diosta taripashpa tapunguiyari? ¿Allpamanta mangata ruhuactaca mangaca: “¿Ima nishpatac chashnaca ruhuarcangui?” ningachu?