ROMANOS 8:8 - Nuevo Testamento en Quichua Cañar 1996

⁸ Chaimantami cai pacha jucha munashcata ruhuashpa causaccunaca, Diostaca mana cushichi pudincuna.

Dios Rimashcata Quillcashcami

⁸ Jucha munashcata ruhuashpa causaccunaca, Diosta mana cushichi pudincunachu.

ROMANOS 8:8 ပူးပေါင်းရင်းမြစ်များ

SAN MATEO 3:17

Shinallatac jahua pachamanta rimashpaca: “Caimi ñuca c'uyashca Churica. Paillami ñucataca cushichin” nishcami uyarirca.

SAN JUAN 3:3

Shina nicpi Jesusca: —Maijanpish mana cutin huacharicca, Taita Dios mandacuctaca mana ricungachu. Chaica chashnatacmi canga— nirca.

SAN JUAN 8:29

Ñucata Cachacca ñucahuanmi. Ñucaca pai munashcallatami ruhuani. Chaimantami paica mana ñucallata saquin— nirca.

ROMANOS 1:21

Chashna ricsishpapish Taita Diosta shinaca mana alli nircacunachu, shinallatac mana pagui nircacunachu. Chaipac randica manapish caipac yanga yuyaicunata yuyashpami, paicunapac yuyaica amsapi shina yanga tucushca.

ROMANOS 7:5

Cai pacha jucha munashcata ruhuashpa mana allicunata ruhuacucpica, mandashcacunaca ñucanchic yuyaipi yaicushpa, mana allita ruhuachishpami huañuiman aparca.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

1 CORINTIOS 7:32

Cancuna llaquilla causachunca mana munanichu. Mosoca Apunchic Jesuspacta ruhuana yuyailla cashpami, Apunchic Jesusllata cushichinata munan.

FILIPENSES 4:18

Cancuna Epafroditoman mingashpa ñucaman cuchun cachashcataca, tucuitami chasquircani. Cunan chaihuancarin, tucui imapacpish yalli yallitami charini. Cancuna ñucaman cushcacunaca Diosmanca mishquilla ashnacuc shinami ricurin. Chaitami Taita Diosca cushicushpa chasquin.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

COLOSENSES 3:20

Huahuacunapish, cancunapac taita mama tucui ima nishcata cazuichic. Chashna cazuchunmi, Apunchic Jesusca munan.

1 TESALONICENSES 4:1

C'uyashca criccuna, ima shinami ñucanchicmanta Taita Dios munashca shina causanata yachacushpa ña causacunguichic, chashnallatac punzhanta Taita Dios munashca shina causachun mañashpami, Apunchic Jesuspac shutipi cancunamanca minganchic.

HEBREOS 13:16

Cancunaca allita ruhuashpa, ima charishcata caishuc chaishuc caranacunataca, amatac cungaringuichicchu. Chashna ruhuashpami, animalta Diosman cushpa rupachic shina, Taita Diosta cushichinguichic.

HEBREOS 13:21

Diosllatac tucui imapipish pai munashca shina allicunata ruhuac cachun cancunaman yachachichun, shinallatac Jesucristomanta tucui ñucanchicta pai munashca shina ruhuachichun nishpami mañani. ¡Apunchic Jesusllata huiñai huiñaita “sumacmari cangui” nishca cachun! Chashna cachun.

1 JUAN 3:22

Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.