ROMANOS 8:5 - Nuevo Testamento en Quichua Cañar 1996

⁵ Maijanpish cai pacha jucha munashcata ruhuaccunaca, jucha munashca shina causanatami munancuna. Ashtahuanpish Diospac Espíritu yuyaita cushca shina causaccunaca, Diospac Espíritu munashca shina causanatami munancuna.

Dios Rimashcata Quillcashcami

⁵ Jucha munashcata ruhuaccunaca, jucha munashca shina causanatami munancuna. Ashtahuanpish Diospac Espíritu yuyaita cushca causaccunaca, Diospac Espíritu munashca shina causanatami munancuna.

ROMANOS 8:5 ပူးပေါင်းရင်းမြစ်များ

MARCOS 8:33

Ashtahuanpish Jesús tigrarishpa, paipac yachacuccunata ricushpa Pedrota p'iñarishpaca: —¡Caimanta anchuri, Satanás!*f** Canca Taita Dios imata ruhuagricushcataca mana yachanguichu, ashtahuanpish gentecuna yuyashcallatami yuyacungui— nirca.

SAN JUAN 3:6

Aichayuc, tulluyucmanta huacharicca, aichayuc tulluyucllatacmi. Ashtahuanpish Diospac Espiritumanta huacharicca, Diospac Espiritutami charin.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

1 CORINTIOS 15:48

Cai pachapi causaccunaca, allpamanta ruhuashca runa shinami. Shinallatac jahua pachamanta caccunaca, jahua pachamanta shamushca Runa shinami.

1 CORINTIOS 2:14

Diospac Espiritumanta yachanata mana munacca, pai cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

2 CORINTIOS 10:3

Aichayuc, tulluyuc gentecunami canchic. Chashna cashpapish mana cai pacha gentecuna macanacuc shinachu macanacunchic.

GÁLATAS 5:17

Millai munaicunaca Diospac Espiritupac munaitaca p'iñanmi. Shinallatac Diospac Espiritupish millai munaicunataca p'iñanllatacmi. Chashna ishcaimanta mana apanacuc cashcamantami, ima munashcatapish mana ruhuai pudinguichic.

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

2 PEDRO 2:10

Tucuimanta yallica, Mandac Diosca pai Mandac cachun mana chasquiccunatapish, mana alli munaihuan c'atic imapish mapa mana allita ruhuaccunatapish llaquichingami. Paicunaca mana cazuccunami, imapipish c'ariyaccunami, shinallatac imatapish ruhuaclla jahua pachamanta mandaccunatapish mana manchashpa c'amiccunami.