ROMANOS 8:38 - Nuevo Testamento en Quichua Cañar 1996

³⁸ Taita Diospac c'uyaimantaca imapish mana anchuchina cashcataca yachanimi. Huañuna cacpipish, causana cacpipish, angelcunapish, poderta charic espiritucunapish, cunan ima tucushcapish, q'uipa ima tucunapish,

Dios Rimashcata Quillcashcami

³⁸ Diospac cuyaimantaca huañuipish, causaipish, angelcunapish, poderyuc espiritucunapish, cunan ima tucushcapish, quipa ima tucunapish mana anchuchinchu.

ROMANOS 8:38 ပူးပေါင်းရင်းမြစ်များ

SAN JUAN 10:28

Ñucaca huiñai causaitami paicunamanca cuni. Paicunaca mana chingaringachu, shinallatac pipish ñuca maquimantaca mana quichungachu.

ROMANOS 14:7

Maijan ñucanchic causashpapish, mana quiquinpacllatacchu causanchic. Shinallatac maijan ñucanchic huañushpapish, mana quiquinpacllatacchu huañunchic.

ROMANOS 14:8

Chashna cashcamanta causashpapish, Apunchic Jesuspacmi causanchic. Huañushpapish, Apunchic Jesuspacllatacmi huañushun. Chashna cashcamantaca causashpapish, huañushpapish Apunchic Jesuspacmi canchic.

ROMANOS 4:21

“Diosca imatapish ruhuaclla cashcamanta, pai cusha nishcata cungallami” nishpami Abrahamca shuyacurca.

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

1 CORINTIOS 15:24

Cristo tucui mandaccunatapish, jatun mandaccunatapish, poderta charic mandaccunatapish chingachishpa, pai mandacushcata Taita Diosman cucpimi, cai pachaca tucuringa.

2 CORINTIOS 11:14

Caicunata ricushpaca, mana mancharinachu. Satanasllatacmi*f** achic nicuc ángel shina tucunlla.

2 CORINTIOS 4:13

Dios quillcachishcapica: “Crishcamantami chai shinaca huillarcani” ninmi. Chai shinallatacmi ñucanchicpish crishpa huillacunchic.

EFESIOS 1:21

Chashna tiyachishpami poderta chariccunatapish, mandaccunatapish, tucuita atishpa mandaccunatapish, shinallatac cunan tucui ima tiyashcacunatapish, shamuc punzhapi ima tiyana cashcatapish tucuita Mandac cashcata ricuchirca.

COLOSENSES 1:16

Diosca paihuanmi jahua pachapi tiyac imacunatapish, cai pachapi tiyac imacunatapish, ricuipaccunatapish, mana ricuipaccunatapish shinallatac poderta charic mandac espiritucunatapish ruhuarca. Shinallatac tucuitami paihuan ruhuashpa, paipaclla cachun ruhuarca.

COLOSENSES 2:15

Taita Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

2 TIMOTEO 1:12

Chashna huillac cashcamantami tucui cai llaquicunataca apacuni. Shina cacpipish ñuca pita crishcataca yachanimi. Shinallatac ñucaman mingashcataca, shamuc punzhacaman huacaichina cashcatapish allimi yachani. Chashna cashcamanta manatac pinganichu.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Shina cashpapish paicuna crishcamantami, carullamanta alabaduc shina ricurcacuna. Chashnami shuctac llactamanta caccuna shina cashcatapish, shinallatac cai pachapi puriccunalla shina cashcatapish paicunallatac huillarcacuna.

1 PEDRO 3:22

Jesucristomi jahua pachaman rishpa, Taita Diospac alli maquiman tiyacun. Paimi angelcunatapish, poderta charic mandac espiritucunatapish mandacun.