ROMANOS 8:36 - Nuevo Testamento en Quichua Cañar 1996

³⁶ Dios quillcachishcapica: “Canmantami ima punzhapish huañuchishca canalla canchic. Ovejata huañuchinaman apashca shinatami charincuna” ninmi.

Dios Rimashcata Quillcashcami

³⁶ Dios quillcachishcapica: «Canmantami ima punzhapish huañunalla canchic. Ovejata huañuchingapac apashca shinami charincuna» ninmi.

ROMANOS 8:36 ပူးပေါင်းရင်းမြစ်များ

SAN JUAN 16:2

Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

HECHOS 20:24

Chashna llaquichishpa huañuchina cacpipish, ñucaca mana llaquirinichu, ashtahuancarin Taita Dios mai c'uyac cashcata Apunchic Jesús huillachun nishcataca, huañuna punzhacaman cushicushpa pactachinatacmi cani.

HECHOS 8:32

Pai rizacushca Dios quillcachishcaca: “Paitaca pactalla ovejata huañuchingapac apac shinami pusharcacuna. Huahuarac ovejata rutucucpi, upalla cac shinami, paica imata mana nirca.

1 CORINTIOS 15:30

Shinallatac ñucanchicca, ¿ima nishpatac tutapish punzhapish huañuchina manchailla canchic?

1 CORINTIOS 15:31

C'uyashca criccuna, ñucaca tucui punzhacunami huañunalla cani. Cancuna chashna Apunchic Jesucristota criccuna cashcamantami, mai cushicushpa chashnaca nicuni.

1 CORINTIOS 4:9

Ñuca yuyaipica, Jesús acllashca ñucanchic huillaccunataca huañuchingapac Dios huashayachishpa, churashca shinami canchic. Chaimantami cai pachapi causac tucui gentecunapacpish, angelcunapacpish asina tucushcanchic.

2 CORINTIOS 1:9

Chaipica ña huañunalla shinami carcanchic. Shina cacpipish ñucanchicmanca chai llaquita apashcaca allimi carca. Chashna llaquita apashpami, mana ñucanchicllapi yuyaita churashpa, ashtahuanpish huañushcacunata causachic Dios yuyailla canata yachacurcanchic.

2 CORINTIOS 11:23

Paicunaca “Cristota serviccunami canchic” ninchari, ñucapish paicunamanta yalli alli servicmi cani. Chashna nishpaca, yuyai illac shinami rimani. Paicunamanta yallimi ñucaca trabajarcani. Paicunamanta yallimi carcelpi carcani. Paicunamanta yallimi macashca carcani. Shinallatac tauca cutinmi huañunallapish carcani.

2 CORINTIOS 6:9

Alli ricsishca cacpipish, mana ricsishca shinatami charincuna. Huañunalla cashpapish, causacunchicracmi. Yalli macashpapish, mana huañuchincunachu.

FILIPENSES 3:10

Cunanca tucuimanta yallica Cristota ricsishpami, pai causarishca q'uipa imatapish ruhuaclla cashcata ricusha nini. Shinallatac pai llaquita apashpa huañushca shinallatacmi, ñucapish llaquita apana cacpipish pai shina huañusha nini.