ROMANOS 8:32 - Nuevo Testamento en Quichua Cañar 1996

³² Taita Diosca paipac quiquin Churitaca tucui ñucanchicmanta llaquita apachunca, mana jarcarishpami saquircalla. Chashna saquishpaca, ¿manachu paipac Churita cushca shinallatac imatapish cunga?

Dios Rimashcata Quillcashcami

³² Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

ROMANOS 8:32 ပူးပေါင်းရင်းမြစ်များ

SAN MATEO 3:17

Shinallatac jahua pachamanta rimashpaca: “Caimi ñuca c'uyashca Churica. Paillami ñucataca cushichin” nishcami uyarirca.

SAN MATEO 7:11

Cancuna millaicuna cashpapish, cancunapac huahuacuna imata mañacpica, allicunatami cunguichic. Ashtahuanpish jahua pachapi tiyac cancunapac Taita Dioscarin, maijanpish mañaccunamanca allicunatami cunga.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

ROMANOS 11:21

Taita Diosca chai yurapi huiñashca ramacunatapish p'itishpaca, cantacarin llutachishcalla rama cacpica, ¿ima nishpatac mana p'itingayari?

ROMANOS 4:25

Apunchic Jesusca ñucanchic juchacunamantami japi tucushpa huañurca. Ñucanchic paihuan alli tucuchunmi, Taita Diosca Jesustaca huañushcacunapuramanta causachirca.

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

ROMANOS 8:28

Taita Diosca paita c'uyaccunataca tucui ima ruhuanapipish allitami pushan. Chaicunaca pai munashcata ruhuangapac acllashcacunami.

1 CORINTIOS 2:12

Ñucanchicca mana cai pachapaclla cac espiritutachu chasquircanchic, ashtahuanpish Dios cushca Espiritutami, pai c'uyashpa yachachishcacunata entendingapac chasquircanchic.

2 CORINTIOS 4:15

Ñucanchicca cai llaquicunata apacushpaca, cancunata c'uyashpa llaquita apacushcatami yachanchic. Shina cacpimi Taita Dios mai c'uyac cashcata yachashpaca, pagui nishpa achcacuna Diostaca “allimari cangui” ningacuna.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

2 CORINTIOS 6:10

Llaquilla cashpapish, punzhantami cushicunchic. Huacchacuna shina cashpapish, taucacunatami chayucyachinchic. Imata mana charic shina cashpapish, tucuitami charinchic.

1 JUAN 4:10

Mana ñucanchicchu Diosta c'uyashcanchic, ashtahuanpish Taita Diosmari ñucanchictaca c'uyashpa, paipac Churita ñucanchic juchacunamanta huañushpa juchacunata p'ichachun cacharca. Chai c'uyaimi tucuimanta yallica.

APOCALIPSIS 21:7

Maijanpish millaita mishaccunaca paicuna japina cashcata japingami. Ñucaca paicunapac Diosmi casha, shinallatac paicunapish ñucapac huahuacunami canga.