ROMANOS 8:3 - Nuevo Testamento en Quichua Cañar 1996

³ Taita Diosmi paipac shuclla Churita juchayuc gentecunapac randi runa tucushpa, llaquita apashpa, juchacunamanta Diosman cushca shina huañuchun cacharca. Moisés mandashcacunata gentecunapac munaillamanta mana pactachipac cacpimi, chashnaca ruhuarca. Chai shina ruhuashpami, gentecunapi tiyac juchataca tucui chingachirca.

Dios Rimashcata Quillcashcami

³ Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

ROMANOS 8:3 ပူးပေါင်းရင်းမြစ်များ

MARCOS 15:27

Ishcai huañuchic shuhua runacunatapish, shuctaca alli maquiman, shuctaca lluqui maquiman Jesushuan pactami chacatarcacuna.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 9:24

Shina nicpi, cutin chai ñahui mana ricuc cashca runata mandac israelcuna c'ayashpaca: —Diospac ñaupapi mana llullashpa huillai. Ñucanchicca chai runataca juchayuc cashcatami yachanchic— nircacuna.

HECHOS 13:39

Moisés mandashcacunata pactachishpaca, Taita Dioshuanca mana alli tucui pudishcanguichicchu, ashtahuanpish Jesusta cricpimi, Taita Diosca paihuan alli tucuchun pitapish chasquin.

ROMANOS 3:20

Taita Diosca mandashcacunata pactachishcallamantaca pitapish paihuan alli tucuchunca mana chasquingachu. Chai mandashcacunaca ñucanchic juchayuccuna cashcata ricuchingapacllami can.

ROMANOS 6:6

Ñaupa ñucanchic ima shina causashcaca, Cristohuan chacatarishca shina cashcataca yachanchicmi. Chashnaca ñucanchicpi tiyac juchacuna ama mandashpa c'atichunmi, chai juchacunataca chingachishpa, Cristohuan chacatarishca shina canchic.

ROMANOS 7:18

Cai pacha juchayuc runa cashcamantaca, ñucapi ima alli ruhuana yuyai mana tiyashcatami yachani. Ima allita ruhuasha nishpapish, mana ruhuai pudinichu.

ROMANOS 8:32

Taita Diosca paipac quiquin Churitaca tucui ñucanchicmanta llaquita apachunca, mana jarcarishpami saquircalla. Chashna saquishpaca, ¿manachu paipac Churita cushca shinallatac imatapish cunga?

ROMANOS 9:3

Chaimantami ñuca quiquin aillucunapac randi, ñucallatac Cristomanta anchurishpa, llaquichishca canata munaiman.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

GÁLATAS 3:13

Shina cacpimi Moisés mandashcacunata ñucanchic mana pactachishpa, llaquiman rinalla cacpipish, Cristoca ñucanchicpac randi cruzpi llaquita apashpa quishpichirca. Dios quillcachishcapica: “Maijanpish cruzpi chacatashca huañucca, Dios llaquichishcami huañun” ninmi.

GÁLATAS 3:21

Shina cacpica, ¿Moisés mandashcacunaca Dios cusha nishcata chingachingapacchu canga? ¡Mana chashna yuyanachu canchic! Moisés mandashcacunata pactachishpa causanalla cacpica, maijanpish chai mandashcacunata pactachishpaca, Taita Dioshuan alli tucunmanllami.

FILIPENSES 2:7

Pai ima shina cashcata saquishpami, ñucanchic shina aichayuc huacharishpa, servic shina tucurca.

HEBREOS 10:12

Tucuipac juchacunamantami Jesucristoca pai quiquinllatac curishpa, huiñaipac huañurca. Chai q'uipaca Taita Diospac alli maquimanmi tiyarirca.

HEBREOS 10:14

Paica shuc cutinlla Diosman curishpami, huiñaipac paipaclla caccunata juchanchina illacta ruhuarca.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

HEBREOS 4:15

Paica ñucanchicmanta Diospacta ruhuac curacunata jatun mandac cura cashpami, ñucanchic mana c'atinata pudicucpipish llaquin. Paitapish ñucanchicta shinallatacmi, mana alli yuyaicunaca pandachisha nirca. Shina cacpipish jaicapi mana juchallircachu.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.