ROMANOS 7:4 - Nuevo Testamento en Quichua Cañar 1996

⁴ C'uyashca criccuna, chai shinallatacmi Cristo huañushcamantaca mandashcacunata ama ruhuangapac Cristohuan pacta huañushca shina canguichic. Cunanca Taita Diospacta allita ruhuangapacmi, huañushcacunapuramanta causaric Jesucristopaclla canguichic.

Dios Rimashcata Quillcashcami

⁴ Cuyashca criccuna, chai shinallatacmi mana mandashcacuna mandashca causangapac Cristohuan pacta huañushca canguichic. Cunanca Diospacta ruhuangapacmi, huañushcacunapuramanta causaric Jesucristopac canguichic.

ROMANOS 7:4 ပူးပေါင်းရင်းမြစ်များ

SAN MATEO 26:26

Chashna micucushpami, Jesusca tandata japishpa Taita Diosta pagui nishpa chaupishpa, chaupishpa yachacuccunaman cushpa: —Japichic, micuichic. Caica ñuca aichami— nirca.

MARCOS 4:20

Ashtahuanpish maijan gentecunaca, alli allpapi tarpushca muyu shinami tucun. Paicunaca quishpirinamanta alli huillaita uyashpaca, shungupimi huacaichincuna. Shina cashpami maijancunaca shuclla muyumanta quimsa chungata p'ucuc shina, maijancunaca sucta chungata p'ucuc shina, maijancunaca pasac granota p'ucuc shina mirachincuna— nirca.

SAN JUAN 15:8

Chashna alli p'ucuc ramacuna shina cacpimi, ñuca Taitaca sumac alli nishca canga. Shina cashpami, ñuca yachacuccunapish tucunguichic.

SAN JUAN 3:29

Shuc bodapi cashpaca, noviaca noviopacmi. Noviopac shuc ricsishca chaipi cashpa, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

SAN JUAN 6:51

Ñucami jahua pachamanta shamushca, huiñai causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

ROMANOS 6:11

Chashnallatac cancunapish juchata ruhuangapacca, huañushca shinami cana canguichic. Shina cashpapish Diospacta ruhuangapacca causacuc shinami, Cristohuan shuc shinalla cana canguichic.

ROMANOS 6:14

Cancunaca mana Moisés mandashcacunata pactachishpa causana cashcapichu causacunguichic, ashtahuanpish Taita Diospac c'uyaimantami causacunguichic. Chaimanta juchaca cancunataca ña mana mandanachu can.

ROMANOS 6:2

¡Mana chashnachu cana can! Juchata ña mana ruhuangapacmi, ñucanchicca huañushca shina canchic. Shina cacpica, ¿ima shinatac juchata ruhuashpa c'atishunyari?

ROMANOS 6:22

Ashtahuanpish cancunaca jucha mandashca causacushcamanta Taita Dios cacharichicpica, paita serviccunami tucushcanguichic. Chashna tucushpaca, Taita Diospaclla ch'icanyarishpa causashpa, huiñai causaita chasquishpami allita japircanguichic.

ROMANOS 7:3

Chaimanta shuc huarmi cusa causacucpirac shuctac c'arihuan chayarinacushpaca, huacllirinmi. Ashtahuanpish cusa huañucpica, mandashcapi nishca shinaca mana cusapacchu can. Shina cashpaca, shuctac c'arihuan cazarashpapish, mana huacllirinchu.

ROMANOS 7:6

Mandashcacunaca huatashca shinami charicurca. Shina cacpipish cunanca mandashcacunata ama ruhuangapac cacharirishpa, huañushca shinami tucushcanchic. Chashna Dios cacharichicpimi, ñaupa quillcashca mandashca causanamanta llucchishpa, Diospac Espíritu mushuc yuyaita cucpi, Diosta servishpa causacunchic.

ROMANOS 8:2

Jesucristohuan shuc shinalla tucushpa causaccunataca, Diospac Espíritu causaita cushpa mandacushcamantami, jucha mandashpa causanamantapish, huañuimantapish chashnaca cacharichirca.

1 CORINTIOS 10:16

Dios cushca vinota ubiashpaca, Diostami pagui ninchic. Chai vinota ubiashpaca, Cristopac yahuarhuanmi shuc shinalla tucunchic. Tandata micushpapish, Cristopac cuerpohuanmi shuc shinalla tucunchic.

2 CORINTIOS 11:2

Taita Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac ari nichic shinami, cancunataca Cristohuan ari nichircani. Chashna cashcamantami manarac pihuan chayarishca solterata cuc shina, Cristoman cusha nini.

GÁLATAS 3:13

Shina cacpimi Moisés mandashcacunata ñucanchic mana pactachishpa, llaquiman rinalla cacpipish, Cristoca ñucanchicpac randi cruzpi llaquita apashpa quishpichirca. Dios quillcachishcapica: “Maijanpish cruzpi chacatashca huañucca, Dios llaquichishcami huañun” ninmi.

GÁLATAS 5:18

Shina cacpipish Diospac Espíritu cancunata pushacucpica, ña mana Moisespac mandashcacunaca mandacunchu.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami israelmantapish, mana israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.

FILIPENSES 1:11

Cancuna Jesucristollamanta alli grano p'ucuc shina allita ruhuacpimi, Taita Diostaca “allimari cangui, sumacmari cangui” ningacuna.

FILIPENSES 4:17

Cancuna ima cushcata chasquicunallataca mana yuyanichu, ashtahuanpish cancuna carashcamantaca Taita Diospac ñaupapi ashtahuan charichunmi munani.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

COLOSENSES 1:22

Shina cacpipish cunanca Cristo runa tucushpa, llaquita apashpa huañushcamantami, Taita Diosca cancunata paihuan alli tucuchun chasquirca. Chashnami cancunataca paipac ñaupapi paipaclla cachun, jucha illac cachun, shinallatac chuyayachishca cachunpish chashnaca ruhuarca.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

COLOSENSES 2:14

Juchata ruhuashcamanta ñucanchic quishpiringapac maita mana pagaipac cacpimi, Jesucristo cruzpi huañushcamanta Taita Diosca chai debitaca anchuchirca. Chai debitaca paganatacmi carcanchic.

COLOSENSES 2:20

Cancuna Jesucristohuan huañushca shina cashcamantaca, cai pachapi tiyashca imapish manchanacunaca cancunata ña mana mandacunchu. Shina cashpaca, ¿ima nishpatac cai pacha mandashca shina causacunguichic?

HEBREOS 10:10

Ñucanchic Taita Diospaclla cachunca, Jesucristomi Dios munashca shina pai quiquinllatac curishpa, shuc cutinlla huiñaipac huañurca.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

APOCALIPSIS 19:7

Pactalla Ovejapac*f** cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Taita Diostaca ‘sumacmari cangui’ nishunchic!

APOCALIPSIS 21:9

Chai q'uipaca canchis tucurina llaquicunata copapi charicuc, chai canchis angelcunapuramanta shuc ángel shamushpaca: —Shamui, Pactalla Ovejapac*f** huarmi cana novia allichishcata ricuchisha— nircami.