ROMANOS 7:25 - Nuevo Testamento en Quichua Cañar 1996

²⁵ Taita Diosllami ñucanchic Apunchic Jesucristomanta chai huañuimantaca anchuchinga. Chaimantami paitaca pagui nini. Ñuca yuyaihuanca Dios mandashcacunata pactachinatacmi yuyani. Shina cacpipish ñuca munaihuanca, jucha mandashcatami ruhuacuni.

Dios Rimashcata Quillcashcami

²⁵ Diosllami Apunchic Jesucristomanta chai huañuimanta cacharichinga. Chaimantami paitaca pagui nini. Ñuca yuyaihuanca Dios mandashcacunatami pactachinata munani. Cutin ñuca cuerpopi tiyac munaihuanca, jucha mandashcatami ruhuacuni.

ROMANOS 7:25 ပူးပေါင်းရင်းမြစ်များ

SAN MATEO 1:21

Paica shuc c'ari huahuatami charinga. Chai huahuataca JESÚS shutitami shutichingui. Paimi tucui pai acllashcacunataca juchacunamanta quishpichinga. Chaimantami chai shutica canga” nirca.

ROMANOS 6:14

Cancunaca mana Moisés mandashcacunata pactachishpa causana cashcapichu causacunguichic, ashtahuanpish Taita Diospac c'uyaimantami causacunguichic. Chaimanta juchaca cancunataca ña mana mandanachu can.

ROMANOS 6:17

Cancunaca utcapi jucha mandashca causacushpapish, cunanca Diosmanta ima shina yachacushcacunata tucui shunguhuanmi cazushcanguichic. Chaimantami Diostaca pagui nini.

ROMANOS 8:2

Jesucristohuan shuc shinalla tucushpa causaccunataca, Diospac Espíritu causaita cushpa mandacushcamantami, jucha mandashpa causanamantapish, huañuimantapish chashnaca cacharichirca.

1 CORINTIOS 15:57

Ashtahuanpish ñucanchic Apunchic Jesucristomanta Taita Dios mishana cashcata ñucanchicman cushcamantaca, pagui nicunallami canchic.

2 CORINTIOS 9:15

¡Ima shina mana pagui nipac allicunata Dios cushcamanta, paitaca pagui nicushunchiclla!

EFESIOS 5:20

Ñucanchic Apunchic Jesuspac shutipi punzhanta imamantapish Taita Diostaca pagui nicuichiclla.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

FILIPENSES 4:6

“¿Imachari tucusha?” nishpa, ama chai yuyailla canguichicchu. Ashtahuanpish Taita Diosman mañacushpaca, tucuita paiman huillashpa, imamantapish pagui nicuichiclla.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Taita Diostaca pagui nina canguichic.

1 PEDRO 2:5

Chashna chayaricpimi, Taita Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 2:9

Ashtahuanpish cancunaca Dios acllashpa ch'icanyachishcacuna, Jatun Mandacpacta ruhuac curacuna, jucha illaccuna cachun acllashcacuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.