ROMANOS 7:22 - Nuevo Testamento en Quichua Cañar 1996

²² Ñuca shungupica Dios mandashcacunahuanca yallitami cushicuni.

Dios Rimashcata Quillcashcami

²² Ñuca shungupica Diospac mandashcacunahuanmi yallita cushicuni.

ROMANOS 7:22 ပူးပေါင်းရင်းမြစ်များ

SAN JUAN 4:34

Shina nicpi, Jesusca cashnami nirca: —Ñuca micuna shinaca ñucata cachac Taita Diospac munaita ruhuanami, shinallatac pai imata ruhuachun nishcata tucuchinami.

ROMANOS 2:29

Israeltac canaca mana gentecunapac ricuillapichu, ashtahuanpish ucu yuyaimantami israel cana. Shinallatac circuncisionta ruhuashcapish shungumantami cana. Chai yuyaica mana imata ruhuachun nishpa quillcashcamantachu, ashtahuanpish Diospac Espiritumantami shamun. Chashna caccunataca mana gentecunachu alli nin, ashtahuanpish Taita Diosmi alli nin.

ROMANOS 8:7

Maijanpish cai pacha jucha munashcata ruhuashpa causaccunaca Taita Diostaca p'iñanmi. Paicunaca Dios mandashcacunataca uyanatapish, cazunatapish mana pudincunachu.

2 CORINTIOS 4:16

Chaimantami ña saquishalla nishpaca, mana ninchic. Ñucanchic cuerpo punzhanta maucayashpa tucurimucucpipish, ñucanchic almaca punzhantami mushucyashpa c'aticun.

EFESIOS 3:16

Paipac sumaimana charishcacunata cancunaman cushpa, paipac Espirituhuan yuyaita allichishpa, sinchi criccunata ruhuachunmi, Taita Diosman mañacuni.

COLOSENSES 3:9

Jucha munashcata ruhuashpa, ñaupa ima shina causacushcata saquishcamantaca, mana caishuc chaishuchuan llullanacunachu canguichic.

HEBREOS 8:10

Chai punzhacuna q'uipaca israelcunahuan ari ninacushpaca, ñuca mandashcacunataca paicunapac yuyaipimi yuyarichun churasha. Shinallatac paicunapac shungupipish, quillcashca shina cachunmi churasha. Ñucaca paicunapac Diosmi casha, shinallatac paicunaca ñuca huahuacunami canga.

1 PEDRO 3:4

Chaipac randica cancunapac ucu shungumantatac allichirishpa, mana p'iñaric, alli shungu caichic. Chashna allichirishpami, Diospac ñaupapica huiñaita mai alli nishcacuna canguichic.