ROMANOS 7:12 - Nuevo Testamento en Quichua Cañar 1996

¹² Mandashcacunaca Taita Dios cushcami. Mandashcacunapi ima nicushcapish Diosmanta shamushca cashpami, cashcata ruhuangapacpish, tucui imapacpish alli can.

Dios Rimashcata Quillcashcami

¹² Shinaca, mandashcacunaca Dios cushcami. Mandashcacunaca allimi, cashcata nicmi, Dios cachashcami.

ROMANOS 7:12 ပူးပေါင်းရင်းမြစ်များ

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

ROMANOS 3:31

Shina cacpica Jesusta crishcamantaca, ¿Moisés mandashcacunataca yangapi churanchicchu? ¡Mana chashnachu! Ashtahuanpish chai mandashcacuna alli cashcatami ricuchinchic.

ROMANOS 7:14

Mandashcacunaca Diosmanta cashcatami yachanchic. Shina cashpapish, ñuca cai pachapi causacushcamantaca, juchata ruhuangapacca huatashca shinami cani.

ROMANOS 7:16

Shina cacpipish, chai mana ruhuasha nicushcata ruhuashpaca, mandashcacuna alli cashcatami yuyani.

1 TIMOTEO 1:8

Mandashcapi ima nicushcata allita yachashpa yachachicpica, mandashcacunaca alli cashcatami yachanchic.