ROMANOS 6:9 - Nuevo Testamento en Quichua Cañar 1996

⁹ Cristo huañushcacunapuramanta causarishcatapish, ña mana huañuna cashcatapish yachanchicmi. Huañuica paitaca ña imata mana ruhuangachu.

Dios Rimashcata Quillcashcami

⁹ Cristo huañushcacunapuramanta causarishpaca, ña mana huañuna cashcatapishmi crinchic. Huañuica paitaca ña imata mana ruhuai pudingachu.

ROMANOS 6:9 ပူးပေါင်းရင်းမြစ်များ

ROMANOS 5:14

Shina cacpipish Adanpac causai punzhamanta Moisespac causai punzhacamanca, tucui juchayuccunami huañuna carca. Shinallatacmi maijanpish juchata ruhuaccunaca Adán shina Dios mandashcataca mana cazushpa juchallishpapish, mana juchallishpapish huañuna carca. Adanca chai shamuna cashca runata ricuchicllami carca.

ROMANOS 6:10

Tucuipac juchacunata chingachingapacmi, Cristoca shuc cutinlla huañurca. Ña causarishpaca, Taita Diospacllami causacun.

ROMANOS 6:14

Cancunaca mana Moisés mandashcacunata pactachishpa causana cashcapichu causacunguichic, ashtahuanpish Taita Diospac c'uyaimantami causacunguichic. Chaimanta juchaca cancunataca ña mana mandanachu can.

ROMANOS 6:4

Taita Dios ima shinami paipac sumaimana imatapish ruhuaclla cashcahuan Cristota huañushcacunapuramanta causachirca, chai shinallatac ñucanchicpish mushuc causaita causangapac bautizarishpaca, Cristo huañushca shina huañungapac, shinallatac pai enterrarishca shina enterraringapac bautizarircanchic.

HEBREOS 7:16

Mandashcapi nishca shinaca, “cai aillumanta, chai aillumanta shamunga” nishca curaca mana carcachu, ashtahuanpish imatapish ruhuaclla mana tucuric causaimantami carca.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

APOCALIPSIS 1:18

Ñucaca huañushpapish causacunimi. Cunanca huiñaipacmi causacuni. Ñucami huañuipacpish, ucu pachapacpish llavecunata charicuni.