ROMANOS 6:3 - Nuevo Testamento en Quichua Cañar 1996

³ Ñucanchic bautizarishpaca, tucuimi Jesucristohuan shuc shinalla tucushpa, paihuan huañungapac bautizarircanchic. ¿Chaitaca manachu yachanguichic?

Dios Rimashcata Quillcashcami

³ ¿Manachu bautizarishpaca, Jesucristohuan shuc shinalla tucushpa, paihuan huañungapac bautizarishcata yachanguichic?

ROMANOS 6:3 ပူးပေါင်းရင်းမြစ်များ

SAN MATEO 28:19

Chaimanta tucui cai pachapi causaccunapacman rishpa, ñuca yachacuccuna tucuchun yachachigrichic. Paicunataca Taita Diospac, paipac Churipac, Diospac Espiritupac shutipi bautizanguichic.

HECHOS 19:5

Pablo chashna huillacta uyashpaca, Apunchic Jesuspac shutipimi bautizarircacuna.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

HECHOS 8:16

Paicunapacman Diospac Espíritu manarac shamushca cacpimi, Apunchic Jesuspac shutillapi bautizashca carcacuna.

ROMANOS 6:16

Shuc amota servingapac yaicushpaca, cazungapacmi yaicuna. Chaitaca cancunallatac yachanguichicmi. Shina cashpaca, chai amota serviccunami canguichic. Chai shinallatacmi jucha mandashcata ruhuacushpaca, huañuiman apac juchata servic shina juchata ruhuacunguichic. Ashtahuanpish Taita Diosta cazushpaca, paihuan alli tucuchun chasquishcacunami canguichic.

ROMANOS 6:8

Ñucanchic Cristohuan huañushca cashpaca, paillahuantac causana cashcatami crinchic.

ROMANOS 7:1

C'uyashca criccuna, Moisés mandashcacunataca cancunallatac yachanguichicmi. Chai mandashcacunaca shuc runa causacucllapimi, imatapish mandac cashcataca yachanguichic.

1 CORINTIOS 10:2

Chashna p'uyuhuanpish, cucha yacuhuanpish bautizaric shina tucushpami, Moiseshuan shuc shinalla tucurcacuna.

1 CORINTIOS 12:13

Chashna shuclla cuerpo tucungapacmi, tucui ñucanchicca israel*f** cashpa, mana israel cashpa, amopacta ruhuac cashpa, mana amopacta ruhuac cashpapish, Taita Diospac shuclla Espirituhuan bautizarishca canchic. Shinallatac Taita Diosca chai Espiritullatatacmi yacuta ubiachic shina, ñucanchicmanca curca.

1 CORINTIOS 15:29

Shina cana cacpica, ¿imapactac huañushcacunapac shutipi bautizarincunayari? Huañushcacuna mana causarina cacpica, ¿imapactac paicunamantaca bautizarincunayari?

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

1 CORINTIOS 5:6

Cancunaca chai shina mana allicuna tiyashca jahuaca, mana jatun tucunachu canguichic. “Ashalla levadura tucui chaputa punguillichic” nishcataca, cancunallatac yachanguichicmi.

1 CORINTIOS 6:19

Cancunapac cuerpoca Dios cushca Espíritu causana huasi cashcatapish, Diospac Espíritu cancunapac shungupi causacushcatapish, ¿manachu yachanguichic? Cancunaca mana quiquinpacllachu canguichic,

1 CORINTIOS 6:9

Ama pandaringuichicchu. Ima millaitapish ruhuaccunaca Dios mandacucpica imata mana charina cashcataca, ¿manachu yachanguichic? Huaclliriccunapish, ruhuashcalla dioscunata adoraccunapish, cazarashca jahua shuc-huan chayariccunapish, huarmi shina canata munashpa c'aricunapura millaita ruhuaccunapish,

1 CORINTIOS 9:13

Maijanpish Diosman mañana huasipi servicca, chai huasiman apashca maijan micunatami micun. Chashnaca, chai altarpi serviccunaca Diosman cushpa huañuchishca animal aichatami micuncuna. Chaitaca cancunallatac yachanguichicmi.

1 CORINTIOS 9:24

Shuc callpanapi caccunaca tucuimi callpancuna. Shina cacpipish japina cashcataca shucllami japin. Chaitaca cancunallatac yachanguichicmi. Shina cashcamanta chai japinata cancunapish japingapacca, callpashpa mishanacuc shina alli causaichic.

2 CORINTIOS 13:5

Cancuna alli cric cashcata yachangapacca, cancunallatac ima shina cashcata yuyarichic. Ima shina cashcataca yuyarichicyari. Jesucristo cancunapac shungupi cashcataca, ¿manachu yachanguichic? Cristo cancunapac shungupi cashcata mana yachashpaca, mana crishpa pandariccunami canguichic.

GÁLATAS 3:27

Bautizarishpaca, Cristohuanmi shuc shinalla tucurcanguichic. Shina tucushpaca, shuctac churanata churarishca shinami Cristohuanca shuctac laya tucushcanguichic.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata c'uyacca, Taita Diostaca p'iñanmi. Chaitaca, ¿manachu yachanguichic? Maijanpish cai pachapaclla caccunata c'uyasha niccunaca, Taita Diosta p'iñaccunami tucun.

1 PEDRO 3:21

Shinallatac chai yacuca bautizarinatami ricuchicurca. Jesucristo huañushcacunapuramanta causarishcamantami, yacupi bautizarishpaca cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Taita Diosman mañana yuyaicunatami cun.