ROMANOS 6:21 - Nuevo Testamento en Quichua Cañar 1996

²¹ Ashtahuanpish cunan pinganayachic juchacunata ñaupaman ruhuashcamantaca, ¿ima allitatac japircanguichic? ¿Chaicunaca manachu huañuiman apan?

Dios Rimashcata Quillcashcami

²¹ Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.

ROMANOS 6:21 ပူးပေါင်းရင်းမြစ်များ

ROMANOS 1:32

“Maijanpish chaita ruhuaccunaca huañunami can” nishpa Dios quillcachishcata allita yachashpapish, chaicunallatatac ruhuashpami c'atincuna. Shinallatac shuccuna chaita ruhuacta ricushpacarin allimi nincunami.

ROMANOS 5:12

Shuc runa juchallishcamantami cai pachapi juchaca yaicurca. Chai juchamantami huañuica tiyan. Shinallatac tucui mashna juchallishcamantaca huañunami can.

ROMANOS 6:16

Shuc amota servingapac yaicushpaca, cazungapacmi yaicuna. Chaitaca cancunallatac yachanguichicmi. Shina cashpaca, chai amota serviccunami canguichic. Chai shinallatacmi jucha mandashcata ruhuacushpaca, huañuiman apac juchata servic shina juchata ruhuacunguichic. Ashtahuanpish Taita Diosta cazushpaca, paihuan alli tucuchun chasquishcacunami canguichic.

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

ROMANOS 7:5

Cai pacha jucha munashcata ruhuashpa mana allicunata ruhuacucpica, mandashcacunaca ñucanchic yuyaipi yaicushpa, mana allita ruhuachishpami huañuiman aparca.

ROMANOS 8:13

Cai pacha jucha munashca shina causacushpaca, huañunguichicmi. Shina cashpapish Diospac Espíritu yuyaita cushcahuanca, cai pacha jucha munashcataca chingachinguichicmi. Shina chingachishpaca causanguichicmi.

ROMANOS 8:6

Cai pacha jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca shina causaccunaca, sumac causaitami charinga.

2 CORINTIOS 4:2

Dios rimashca shimitaca mana chagrushpami huillacunchic. Shinallatac pacallapi pinganayai ruhuanacunata saquishpami, pitapish mana umashpa purinchic. Chaipac randica Dios rimashca shimi mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.

2 CORINTIOS 7:11

Cancuna Dios munashca shina llaquirishcamantaca, imata tucushcataca yuyarichic. Chashna llaquirishcamantami ima shina cashcata yuyarishpa, allichirishpa, yuyaita japircanguichic. Shinallatac p'iñarishpapish, manchana yuyaitami japircanguichic. Chai q'uipaca ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

FILIPENSES 3:19

Chashna causaccunaca tucuri punzhapimi llaquipi chingaringapac ringacuna. Paicuna munashca shina micunallatacmi, Diostapish yalli munancuna. Paicunaca pingaipacta ruhuashpapish, mana pingancunachu. Ashtahuanpish chaillahuantacmi “allimi canchic” nirincuna. Paicunaca cai pacha causaipacllami ashtahuan munancuna.

HEBREOS 10:29

Ashtahuanpish Diospac Churita saruc shinacunata, paipac jichashca yahuarta yangapi churashpa, Diospac c'uyac Espirituta c'amishpa rimaccunataca, chaita yallimi llaquichishca canga. Chai yahuarmi mushuc ari ninacuitaca pactachin. Shinallatac chai yahuarllatacmi juchata p'ichan.

HEBREOS 6:8

Ashtahuanpish cashallata, mana alli q'uihuallata p'ucushpaca, imapish mana alli allpa shina cashcatami ricuchin. Chaicunataca Dios p'iñarishpami ñalla tucuchinga.

SANTIAGO 1:15

Chai shina mana alli munaicuna tiyashcamantami, juchaca huacharic shina ricurin. Chai jucha ricurishpa miramushpaca, huañuimanmi apan.

SANTIAGO 5:20

chai pandarishpa causacuc juchayucpac almata huañuimanta quishpichinmi. Shinallatac Taita Diosca achca juchacunatapish perdonangami. Chaitaca yuyarinami canguichic.

1 PEDRO 4:17

Taita Dios taripana punzhaca ñami chayamucun. Chaipica paipac huahuacunataracmi Taita Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

1 JUAN 2:28

C'uyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuc shinalla causaichic. Chashna causashpami pai cutin shamucpica, paipac ñaupapi mana pingashpa tupashun.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui— nishcatami uyarcani.

APOCALIPSIS 20:14

Chai q'uipaca Ucu Pachatapish, Huañuitapish rupacuc nina cuchapimi shitashca carca. Chaica q'uipa huañuimi.